ព័ត៌មានជាតិ
ប្រាសាទជិត ១០០ នៅខេត្តស្ទឹងត្រែងបាក់បែកស្ទើររាបដល់ដី សល់ប្រាសាទមួយទុកឲ្យភ្ញៀវទស្សនា
ស្ថិតនៅភាគឦសានប្រទេស ខេត្តស្ទឹងត្រែងជាខេត្តមួយសំបូរតំបន់អេកូទេសចរណ៍ធម្មជាតិ ដោយមានទន្លេមេគង្គហូរកាត់ចុះពីទឹកដីឡាវ។ ខេត្តទេសចរណ៍មួយនេះ ក្រៅពីមានតំបន់ធម្មជាតិទាក់ទាញភ្ញៀវទេសចរណ៍ ក៏សំបូរសំណង់បុរាណដ្ឋានជាច្រើនមានប្រវត្តិរាប់ពាន់ឆ្នាំ។
បើតាមមន្រ្តីក្រសួងវប្បធម៌ និងវិចិត្រសិល្បៈ ខេត្តស្ទឹងត្រែងមានសំណង់បុរាណជាច្រើន តែភាគច្រើនបានបាត់រូបរាង ដោយសារអាយុកាលនិងសង្រ្គាមបំផ្លិចបំផ្លាញ។
លោក សោម ផុន ប្រធានការិយាល័យបេតិកភណ្ឌខេត្តស្ទឹងត្រែងបានឲ្យកម្ពុជាថ្មីដឹងថា ខេត្តស្ទឹងត្រែងនៅសល់តែប្រាសាទព្រះគោ ឬប្រាសាទស្រី ដែលនៅសល់រូបរាង ក្រៅពីនោះបាក់បែកស្ទើរអស់ទៅហើយ។
លោកបន្តថា ប្រាសាទទូទាំងខេត្តដែលមានជិត ១០០ នៅសល់តែគ្រឹះប៉ុណ្ណោះ។ ប្រាសាទព្រះគោដែលនៅសេសសល់ក៏មានការខូចខាតច្រើន នៅសល់រូបរាងប្រហែល ៤០ភាគរយ។
បើតាមមន្រ្តីរូបេនះ សំណង់ប្រាសាទជាង ១០០ បានខូចខាតដោយសារអាយុកាល តែក៏មានប្រាសាទមួយចំនួន រងគ្រោះក្នុងសម័យសង្រ្គាមដោយមានជនល្មើសគាស់កកាយបំផ្លិចបំផ្លាញ។
ប្រាសាទព្រះគោ មានទីតាំងចម្ងាយពីទីរួមខេត្តស្ទឹងត្រែងប្រហែល ១២គីឡូម៉ែត្រ ស្ថិតនៅភូមិថាឡាបរិវ៉ាត់ ឃុំថាឡាបរិវ៉ាត់ ស្រុកថាឡាបរិវ៉ាត់។
បើតាមលោកសោម ផុន ប្រាសាទព្រះគោកសាងឡើងនៅមុនសម័យអង្គរ គឺសម័យចេនឡា ក្នុងសតវត្សរ៍ទី៧ ចូលដល់សតវត្សរ៍ទី៨ នៃគ.ស សម្រាប់ឧទ្ទិសដល់ព្រហ្មញ្ញសាសនា។ ប្រាសាទនេះកសាងឡើងក្នុងរចនាបថឥដ្ឋក្រហម និងថ្មបាយក្រៀម។ ដោយសារមានការគំរាមកំហែងពីកត្តាធម្មជាតិ ជនខិលខូច ការជីកគាស់កាយរកកំណប់ ព្រមទាំងកត្តាសង្គ្រាម ធ្វើឲ្យប្រាសាទនិងរូបបដិមាព្រះគោ បែកបាក់ប្រេះស្រាំយ៉ាងខ្លាំង។
ឯកសារបានបង្ហាញថា ប្រាសាទព្រះគោមានបណ្តោយប្រហែល ៩ម៉ែត្រ និងទទឹង ៨ម៉ែត្រ ព្រមទាំងកម្ពស់ ៧ម៉ែត្រ។ តួប្រាសាទ ធ្វើអំពីឥដ្ឋក្រហម និងថ្មបាយក្រៀម ប៉ុន្តែបច្ចុប្បន្នបានបាក់ទ្រុឌទ្រោមស្ទើរទាំងស្រុងទៅហើយ។ មានផ្នែកជាច្រើននៃតួប្រាសាទ បានបាក់រលំធ្លាក់រាយប៉ាយ។ នៅខាងមុខប្រាសាទចម្ងាយជាង ១០ម៉ែត្រក៏មានបដិមារូបព្រះគោ បែកបាក់ចំហៀងខ្លួនខាងស្តាំ ដែលជនខិលខូចបំផ្លាញក្នុងសម័យសង្រ្គាម។ ទោះជាយ៉ាងនេះក្តី នៅតែឃើញមានវត្តមានប្រជាជនមកពីទីឆ្ងាយជិត នាំគ្នាមកគោរពបូជាផ្សេងៗទៅតាមបែបសាសនា៕
អត្ថបទ៖ ប៊ុណ្ណារ៉ា
បណ្ឌិត លី ឆេង អរគុណយ៉ាងជ្រាលជ្រៅចំពោះ សម្តេច ហ៊ុន សែន ដែលគាំទ្រ និងផ្តល់ឱកាសយ៉ាងពេញលេញដល់វិស័យអប់រំផ្នែកឯកជន
ពលរដ្ឋ និងអ្នកឃ្លាំមើល សរសើរមន្ត្រីប្រចាំការនៅច្រកទ្វារព្រំដែនអន្តរជាតិយកចិត្តទុកដាក់ពលករវិលចូលស្រុក
ត្រឹមតែ ៣ខែ ប៉ុណ្ណោះក្រុមហ៊ុន អៃ-ឆា ហ៊្វូដខេអេច បានចុះកុងត្រាជាមួយម្ចាស់ហ្វ្រេនឆាយជាង ២០ ហាង
សង្ក្រាន្តខ្មែរនៅជប៉ុន អបអរសាទរពិធីបុណ្យចូលឆ្នាំ បានរៀបចំឡើងដោយមានការចូលរួមពីបងប្អូនខ្មែរយ៉ាងច្រើនកុះករ
ពលរដ្ឋ សប្បាយរីករាយ និងអរគុណរដ្ឋាភិបាលជួយសម្រួលឱ្យជិះរថយន្តក្រុងឥតគិតថ្លៃ
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
ត្រាំ ដកស្មាតហ្វូន កុំព្យូព័រ គ្រឿងអេឡិចត្រូនិកផ្សេងទៀត ពីបញ្ជីពន្ធបដិការ
សង្ក្រាន្តខ្មែរនៅជប៉ុន អបអរសាទរពិធីបុណ្យចូលឆ្នាំ បានរៀបចំឡើងដោយមានការចូលរួមពីបងប្អូនខ្មែរយ៉ាងច្រើនកុះករ
ពងទា១ពាន់គ្រាប់ ត្រូវបានដាក់ឱ្យអ្នកចូលរួមសង្រ្កាន្តស្រុកខ្សាច់កណ្ដាល បរិភោគឥតគិតថ្លៃ
ពលរដ្ឋ សប្បាយរីករាយ និងអរគុណរដ្ឋាភិបាលជួយសម្រួលឱ្យជិះរថយន្តក្រុងឥតគិតថ្លៃ
-
សន្តិសុខសង្គម១ សប្តាហ៍ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៧ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៦ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៦ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ៣ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៤ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
សន្តិសុខសង្គម៣ ថ្ងៃ agoផុងដីរលំបាក់ដងសន្ទូចប្រវែងជាង៥០ម៉ែត្រ សង្កត់លើសំយាបផ្ទះពលរដ្ឋ៤ខ្នង និងសង្កត់ម៉ូតូមួយគ្រឿង
-
សន្តិសុខសង្គម១ សប្តាហ៍ agoអគ្គិភ័យបំផ្លាញផ្ទះមួយខ្នងទាំងព្រឹកនៅបាត់ដំបង