រូបភាពឯកសារ មន្ត្រីអនុវត្តច្បាប់រងរបួស ដោយសារជនល្មើសបើកបរបុក និងមិនគោរពច្បាប់​ចរាចរ​ណ៍

ស្នងការដ្ឋាន នគរបាលរាជធានីភ្នំពេញ នៅរសៀលថ្ងៃទី១០ ខែកញ្ញា ឆ្នាំ២០២១នេះ បានបង្ហាញរូបភាពឯក​សារ​ជា​ច្រើន​សន្លឹក អំពីករណីមន្ត្រីអនុវត្តច្បាប់ ដែលបានរងរបួសធ្ងន់ស្រាល នាពេលកន្លងមក ដោយសារការ បើក​បរ មិនគោរពច្បាប់ចរាចរណ៍ និងបើកបុកក្នុងស្ថានភាពស្រវឹង។

ស្នងការដ្ឋាន នគរបាលរាជធានីភ្នំពេញ ដែលបានសរសេរខ្លឹមសារ អមជាមួយរូបភាពជាច្រើនសន្លឹកថា «រូបភាពឯកសារ ដែលមន្ត្រីអនុវត្តច្បាប់ជាច្រើននាក់ ត្រូវបានរងរបួសគ្រោះថ្នាក់ធ្ងន់ស្រាល នាពេលកន្លងមក​ ដោយសារជន​ល្មើ​ស បើកបរបុកក្នុងស្ថានភាពស្រវឹង បើកបរដោយមិនគោរពច្បាប់ចរាចរណ៍»។

ការអនុវត្តច្បាប់ចរាចរណ៍ផ្លូវគោក ត្រូវបានគេកត់សម្គាល់ឃើញថា បានជួយកាត់បន្ថយករណីគ្រោះ​ចរាចរណ៍​យ៉ាង​ច្រើន ហើយកាលពីពេលថ្មីៗនេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហា ផ្ទៃ ក្នុងនាមប្រធានគណៈកម្មាធិការជាតិ សុវត្ថិភាពចរាចរណ៍ផ្លូវគោក ក៏បានក្រើនរំលឹកដល់មន្ត្រី មានសមត្ថ កិច្ចដឹកនាំ និងប្រតិ​បត្តិការអនុវត្តច្បាប់ ស្ដីពី ចរាចរណ៍ផ្លូវគោកទាំងអស់ សូមបន្តរឹតបន្តឹងការអនុវត្តឲ្យបានសកម្ម គ្មានការលើកលែង ឬយោគយល់អ្វីទាំងអស់ ពីព្រោះនេះជាភារកិច្ចការពារ សេចក្ដីសុខ សុវត្ថិភាព និងអាយុជីវិតប្រជាពលរដ្ឋ៕