ព័ត៌មានជាតិ

ក្រសួងកសិកម្ម ចេញញត្តិបដិសេធចំពោះផេកមួយ ដែលបង្ហោះសារបង្អាប់បង្អោនកិច្ចខិតខំប្រឹងប្រែងរបស់មន្ត្រីរាជការ

បានផុស

៤ years មុន

នៅ

ថ្ងៃសៅរ៍ ២៨ វិច្ឆិកា ២០២០

ដោយ

កាលពីថ្ងៃទី២៧ ខែវិច្ឆិកា ឆ្នាំ២០២០ ក្រសួងកសិកម្ម រុក្ខាប្រមាញ់ និងនេសាទ បានចេញញត្តិបដិសេធចំពោះម្ចាស់អាខោនហ្វេសប៊ុកផេកមួយ ដែលធ្វើការបង្ហោះសារនូវពាក្យពេចន៍មិនថ្លៃថ្នូរ និងបង្អាប់បង្អោនកិច្ចខិតខំប្រឹងប្រែងរបស់មន្ត្រីរាជការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមញត្តិបដិសេធខាងលើបានឲ្យដឹងថា មន្ត្រីរាជការ នៃមន្ទីរកសិកម្ម រុក្ខាប្រមាញ់ និងនេសាទ មានការសោកស្ដាយយ៉ាងខ្លាំងចំពោះប្រភពព័ត៌មានហ្វេសប៊ុកផេកឈ្មោះ Iman-KH ដែលបានបង្ហោះកាលពីថ្ងៃទី២៣ ខែវិច្ឆិកា ឆ្នាំ២០២០ កន្លងមក។

ខ្លឹមសារដែលម្ចាស់អាខោនហ្វេសប៊ុកខាងលើធ្វើការបង្ហោះបានរៀបរាប់ថា ចង់ចិញ្ចឹមឪម៉ាល់ទុកទទួលស្វាគមន៍ប្រតិភូ-អ-កសិកម្ម ដើម្បីឲ្យទិចពួកហ្នឹងឲ្យហើមប្លោកគ្រប់ៗគ្នាបានម្តង កុំឲ្យដេកស៊ីប្រាក់ខែ តែមិនជួយដោះស្រាយបញ្ហារបស់កសិករឡើយ។ ស្រូវចុះថោក ព្រោះស្រូវមានគុណភាពអន់។ ម៉េចមិនថាស្រូវអន់ព្រោះមន្ត្រីចោលម្សៀតខ្លះផង។

យ៉ាងណាមិញ ក្រោយការបង្ហោះបំផ្លើស បំប៉ោងព័ត៌មានមិនពិតពីបុរសខាងលើនោះរួចមក មន្ត្រីរាជការ នៃមន្ទីរកសិកម្ម រុក្ខាប្រមាញ់ និងនេសាទ សូមថ្កោលទោសចំពោះម្ចាស់អាខោនហ្វេសប៊ុកផេកឈ្មោះ IMan-KH ដែលបានធ្វើការបង្ហោះសារបង្អាប់បង្អោនកិច្ចខិតខំប្រឹងប្រែងរបស់មន្ត្រីរាជការ និងសូមអំពាវនាវដល់អាជ្ញាធរមានសមត្ថកិច្ចពាក់ព័ន្ធនានា មេត្តាជួយអន្តរាគមន៍វែកមុខម្ចាស់ទំព័រហ្វេសប៊ុកផេកខាងលើដែលជាមនុស្សអសីលធម៌ និងមានពាក្យសំដីមិនថ្លៃថ្នូរ ដើម្បីយកមកទទួលខុសត្រូវចំពោះមុខច្បាប់ជាធរមាន៕

អត្ថបទ ៖ នាងតូច

Related Topics:ព័ត៌មានក្លែងក្លាយ