ព័ត៌មានជាតិ

គ្រូពេទ្យជួយសម្រាលកូនស្ត្រីកើតកូវីដទី ៥៥ ដោយជោគជ័យ

បានផុស

៣ years មុន

នៅ

ថ្ងៃសុក្រ ១០ កញ្ញា ២០២១

ដោយ

ខេត្តបន្ទាយមានជ័យ៖ ស្ត្រីកើតជំងឺកូវីដ ១៩ម្នាក់ទី៥៥ នៅខេត្តបន្ទាយមានជ័យ ត្រូវក្រុមគ្រូពេទ្យឆ្មបជួយសម្រាលកូនដោយជោគជ័យ នៅមន្ទីរពេទ្យបង្អែកប៉ោយប៉ែត។

លោកវេជ្ជបណ្ឌិតឱក ទីណា ប្រធានមន្ទីរពេទ្យបង្អែកប៉ោយប៉ែតបានប្រាប់អ្នកយកពត៌មានឲ្យដឹងថា ស្ត្រីដែលកើតកូវីដ ១៩ទី ៥៥ ត្រូវក្រុមគ្រូពេទ្យឆ្មបជួយសម្រាលបានដោយជោគជ័យកាលពីថ្ងៃទី ៩ ខែ កញ្ញា ឆ្នាំ ២០២១ នៅមន្ទីរពេទ្យបង្អែកប៉ោយប៉ែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិតឱក ទីណា បាននិយាយបន្តថា ស្ត្រីម្តាយទារិកាមានឈ្មោះ ឈីត មួយឡាំង អាយុ ១៦ ឆ្នាំមានផ្ទៃពោះកូនទី១ មុខរបរមេផ្ទះទីលំនៅបាលិលេយ្យ២ ប៉ោយប៉ែត ខេត្តបន្ទាយមានជ័យ ប្តីមានឈ្មោះពេជ្រ ជា អាយុ៣១ឆ្នាំ មុខរបរកម្មករ ស្ត្រីខាងលើ បានរកឃើញកើកជំងឺកូវីដ ១៩ កាលពីថ្ងៃទី៦ ខែកញ្ញា ឆ្នាំ២០២១ ចូលមកសំរាកនៅមន្ទីរពេទ្យបង្អែកក្រុងប៉ោយបែតនៅថ្ងៃនោះដែរ។

លោកវេជ្ជបណ្ឌិតឡេ ច័ន្ទសង្វាត ប្រធានមន្ទីរសុខាភិបាលខេត្តបន្ទាយមាជ័យបានឲ្យដឹងដែរថា ដោយសារមានក្រុមគ្រូពេទ្យជំនាញនិងពេទ្យឆ្មប បានព្យាយាមខិតខំជួយសង្គ្រោះនិងសម្រាលកូន ដល់ស្ត្រីមានវិជ្ជមានកូវីដ-១៩ ទើបស្ត្រីនិងទារិកាបានសម្រាលកូនដោយជោគជ័យ។ នេះជាករណីទី ៥៥ហើយការសម្រាលកូន ដល់ស្ត្រី ដែលអ្នកមានវិជ្ជមានកូវីដ-១៩ នៅខេត្តបន្ទាយមានជ័យ៕

អត្ថបទ៖ វ៉ាន់ ណាង

Related Topics:កូវីដ-១៩