ព័ត៌មានជាតិ

គ្រោងរៀបចំសន្និបាត ដើម្បីការពិនិត្យមើលលើគម្រោងអនុញ្ញាតឲ្យបើកដំណើរការឡើងវិញ នៃមូលដ្ឋានអាជីវកម្មទេសចរណ៍

បានផុស

៣ years មុន

នៅ

ថ្ងៃសុក្រ ១០ កញ្ញា ២០២១

ដោយ

ក្រសួងទេសចរណ៍បានឲ្យដឹងថា ដោយយោងតាម “ផែនទីចង្អុលផ្លូវ ស្តីពីការស្តារ និងលើកស្ទួយវិស័យទេសចរណ៍កម្ពុជា ក្នុង និងក្រោយវិបត្តិជំងឺកូវីដ-១៩” និងអនុវត្តតាមអនុសាសន៍ណែនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្រសួងទេសចរណ៍នឹងរៀបចំ “សន្និបាតបូកសរុបការងារទេសចរណ៍ផ្ទៃក្នុងរយៈពេល៩ខែដើមឆ្នាំ២០២១ និងទិសដៅអនុវត្តបន្ត” ដែលនឹងប្រព្រឹត្តទៅនាថ្ងៃទី១៥ ខែកញ្ញា ឆ្នាំ២០២១ខាងមុខ នេះបើតាមសេចក្តីជូនដំណឹង។

ក្រសួងទេសចរណ៍បានឲ្យដឹងដែរថា សន្និបាតបូកសរុបការងារទេសចរណ៍នោះ រៀបចំឡើងក្នុងគោលបំណងដើម្បីត្រួតពិនិត្យ និងវាយតម្លៃលើលទ្ធផលការងារទេសចរណ៍ផ្ទៃក្នុង ដែល បានអនុវត្តរយៈពេល៩ខែដើមឆ្នាំ២០២១ និងស្របពេលដាក់ចេញនូវទិសដៅអនុវត្តការងារបន្តដើម្បីជំរុញ និងស្តារវិស័យទេសចរណ៍ផ្ទៃក្នុងឡើងវិញ ព្រមជាមួយនិងការពិនិត្យ និងពិចារណាលើការជំរុញការអនុញ្ញាតឱ្យបើកដំណើរការឡើងវិញ នៃមូលដ្ឋានអាជីវកម្មទេសចរណ៍ ស្របតាមគន្លងប្រក្រតីភាពថ្មី (New Normal) សម្រាប់បម្រើជូនដល់ភ្ញៀវទេសចរជាតិ និងអន្តរជាតិ នាពេលខាងមុខ។

បើតាមក្រសួងទេសចរណ៍ កិច្ចខិតខំប្រឹងប្រែងក្នុងការជំរុញចលនាទេសចរណ៍ផ្ទៃក្នុង និងការបើកឱ្យដំណើរការឡើងវិញ នៃមូលដ្ឋានអាជីវកម្មទេសចរណ៍នេះ ត្រូវបានចាត់ទុកថា ជាបុរេលក្ខខណ្ឌដ៏មានសារៈសំខាន់មួយ សម្រាប់ការត្រៀមបើកការទទួលភ្ញៀវទេសចរអន្តរជាតិឡើងវិញស្របតាម “ផែនការយុទ្ធសាស្ត្រស្តីពី ការបើកទទួល ទេសចរណ៍សុវត្ថិភាព”៕

ដោយ ៖ កោះកែវ