ចិនផ្ដល់ជំនួយឥតសំណង ដល់កម្ពុជាចំនួន ២៧០លានដុល្លារ

ក្នុងដំណើរទស្សនកិច្ច របស់លោក វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេសចិន មកកាន់ប្រទសលើកនេះ នឹង​មានការចុះហត្ថលើឯកសារមួយចំនួន។ នៅក្នុងនោះ ក៏មានការផ្ដល់ជំនួយឥតសំណង របស់ប្រទេស ចិន ជូនដល់​ប្រទេសកម្ពុជា ចំនួន២៧០លានដុល្លារផងដែរ។ នេះបើតាមការឲ្យដឹងពីលោកឧបនាយករដ្ឋមន្ត្រី ប្រាក់ សុខុន រដ្ឋ​មន្រ្ដីការបរទេសកម្ពុជា បន្ទាប់ពីបញ្ចប់ជំនួបពិភាក្សា ជាមួយលោក វ៉ាង យី​ រដ្ឋមន្ត្រីការបរទេសចិន នៅរសៀល​ថ្ងៃទី​១២ ខែកញ្ញា ឆ្នាំ២០២១នេះ។​

លោកឧបនាយករដ្ឋមន្ត្រី ប្រាក់ សុខុន បានមានប្រសាសន៍យ៉ាងដូច្នេះថា «បន្តិចទៀត នៅពេលដែល បន្ទាប់ ពីការ​ជួបជាមួយនិងសម្ដេច យើងចុះហត្ថលេខា ទៅលើឯកសារមួយចំនួន ដែលក្នុងនោះមាន ជំនួយឧបត្ថម្ភឥតសំណង​២៧០លានដុល្លារអាមេរិក សម្រាប់ការអនុវត្តនូវគម្រោងផ្សេងៗ របស់កម្ពុជា»៕