ព័ត៌មានជាតិ

ចង់ត្រូវគ្នាជាមួយប្រពន្ធវិញ តែគិតមិនចេញមកលោតទឹកសម្លាប់ខ្លួន

បានផុស

៣ years មុន

នៅ

ថ្ងៃចន្ទ ១៣ កញ្ញា ២០២១

ដោយ

បុរសម្នាក់បានសម្រេចចិត្តឡើងស្ពានជ្រោយចង្វារបម្រុងលោតទឹកបញ្ចប់ជីវិត្តដោយសារតែខូចចិត្តត្បិតលែងលះជាមួយប្រពន្ធខានបានជួបមុខកូន។ ប៉ុន្តែការប៉ុងសម្លាប់ខ្លួននោះមិនបានសម្រេចឡើយ ដោយបានគេចាប់ឃាត់ទាន់ពេល។

ហេតុការណ៍នេះបានបង្កការភ្ញាក់ផ្អើលកាលពីរំលងអាធ្រាត្រឈានចូលថ្ងៃទី១៣ ខែកញ្ញា ឆ្នាំ២០២១នៅលើស្ពានជ្រោយចង្វារ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈដែលឈយំបណ្តើរនិងរៀបរាប់បណ្តើរបុរសដែលប៉ុនប៉ងបញ្ចប់ជីវិតនោះ បានរៀបរាប់ទាំងទឹកភ្នែកថា គាត់ឈ្មោះ យន់ ផែង អាយុជាង៣០ឆ្នាំ រស់នៅស្រុងទ្រាំង ខេត្តតាកែវ ជាអតីតទាហានស្ម័ក្រចិត្តកងពល៤១ មានប្រពន្ធឈ្មោះ ឈឹម ធឿន និងមានកូន២នាក់ក្នុងបន្ទក់។

បុរសរូបនោះបានបន្តថា មូលហេតុដែលខ្លួនជិះម៉ូតូមកលើស្ពាននេះ ដើម្បីបញ្ចប់ជីវិតរបស់ខ្លួនព្រោះតែការបែកបាក់លែងលះគ្នារយៈពេលជិត១ឆ្នាំហើយ ធ្វើឲ្យរូបគាត់នឹកកូន និងប្រពន្ធចង់ត្រូវរ៉ូវគ្នាវិញតែមិនដឹងធ្វើរបៀបណាដើម្បីបានរស់នៅជាមួយគ្នាវិញ គិតអ្វីមិនចេញគាត់ក៏បានផឹកសហ្រាប៊ៀរជាមួយមិត្តភ័ក្ដិអស់កន្លះកេសក៏មកលើស្ពានជ្រោយចង្វារដើម្បីបញ្ចប់ជីវិតបែបនេះតែម្តង។

បន្ទាប់ពីអ្នកជិតខាងនាំគ្នាពន្យល់ណែនាំគាត់កុំឲ្យមានបំណងគិតខ្លីបែបនេះតទៅទៀតហើយបុរសរូបនោះក៏បានវិលត្រឡប់ទៅផ្ទះវិញផងដែរ៕

អត្ថបទ៖ រស្មី