ព័ត៌មានជាតិ
ស្រ្តីអគ្គរាជទូតថ្មីកម្ពុជានៅសាធារណរដ្ឋកូរ៉េ ជាអ្នកកំពង់ធំ បញ្ចប់ការសិក្សាពីរប្រទេស
រាជរដ្ឋាភិបាលបានប្រកាសតែងតាំងលោកជំទាវ ជ្រឹង បុទុមរង្សី ជាអគ្គរាជទូតថ្មីកម្ពុជាប្រចាំនៅសាធារណរដ្ឋកូរ៉េជំនួសលោកឡុង ឌីម៉ង់ដែលផុតអាណត្តិ។
បើតាមជីវប្រវត្តិ មុនទទួលបានតួនាទីជាឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំសាធារណរដ្ឋកូរ៉េលោកជំទាវ ជ្រឹង បុទុមរង្សី គឺជារដ្ឋលេខាធិការនៅក្រសួងការបរទេស និងសហប្រតិបត្តិការអន្តរជាតិ។
តាមការចុះផ្សាយក្នុងគេហទំព័រក្រសួងការបរទេសកម្ពុជាបានបញ្ជាក់ថា លោកជំទាវ ជ្រឹង បុទុមរង្សី កើតនៅថ្ងៃទី ០២ ធ្នូ ឆ្នាំ១៩៨៣ នៅខេត្តកំពង់ធំ។
បទពិសោធន៍ការងារ និងការសិក្សា លោកជំទាវ ជ្រឹង បុទុមរង្សី បានបញ្ចប់ការសិក្សាកម្រិតវិទ្យាល័យពីវិទ្យាល័យ Sir Joseph Banks High School នៅទីក្រុងស៊ីដនីប្រទេសអូស្រ្តាលីនៅឆ្នាំ២០០១។ លោកជំទាវមានសញ្ញាបត្របរិញ្ញាបត្រផ្នែកធុរកិច្ច (សេដ្ឋកិច្ច និងហិរញ្ញវត្ថុ) ពីសាកលវិទ្យាល័យ Western Sydney ប្រទេសអូស្រ្តាលី និងសញ្ញាបត្របរិញ្ញាបត្រជាន់ខ្ពស់ ផ្នែកគ្រប់គ្រងធុរកិច្ចអន្តរជាតិនៅសាកលវិទ្យាល័យ Westminster ទីក្រុងឡុនដុន ចក្រភពអង់គ្លេស នៅឆ្នាំ២០០៨។
លោកជំទាវធ្លាប់ជាទីប្រឹក្សារបស់កម្មវិធីអង្គការសហប្រជាជាតិស្តីពីហ៊ីវ/អេដស៍ កាលពីឆ្នាំ២០០៦ ដល់ឆ្នាំ២០០៧។ ចាប់ពីឆ្នាំ២០០៩ ដល់២០១១ លោកជំទាវបានបំពេញការងារជាប្រធានផ្នែកទីផ្សារ និងអ្នកគ្រប់គ្រងទូទៅនៃក្រុមហ៊ុន UNIEBIZ Co.,Ltd Cambodia។ នៅឆ្នាំ២០១២ ដល់២០១៣ លោកជំទាវជាអ្នកគ្រប់គ្រងកណ្តាលនៃ FTMS Global Academy (Cambodia)។
ចាប់ពីឆ្នាំ២០១៣ ដល់២០១៩ លោកជំទាវបំពេញតួនាទីក្នុងវិស័យសាធារណៈ ជាអនុរដ្ឋលេខាធិការនៃក្រសួងប្រៃសណីយ៍ និងទូរគមនាគមន៍។ ពីខែឧសភា ២០១៩ ដល់ថ្ងៃទី១៨ ធ្នូ ២០២០ ជាអនុរដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ។
ចាប់ពីថ្ងៃទី១៨ ធ្នូ២០២០ ជារដ្ឋលេខាធិការនៅក្រសួងការបរទេស និងសហប្រតិបត្តិការអន្តរជាតិ មុនទទួលបានតួនាទីជាឯកអគ្គរាជទូតប្រចាំនៅប្រទេសកូរ៉េខាងត្បូង៕
ក្រោយទទួលបានការតែងតាំងពីរដ្ឋាភិបាលក្នុងតួនាទីជាឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំសាធារណរដ្ឋកូរ៉េខាងត្បូង លោកជំទាវនឹងខិតខំបំពេញកាតព្វកិច្ច និងកិច្ចការងារឱ្យអស់ពីសមត្ថភាព និងសមស្របតាមការផ្តល់ទំនុកចិត្តរបស់រាជរដ្ឋាភិបាល៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?