ព័ត៌មានជាតិ

រង្វាន់លើកទឹកចិត្តរបស់សម្តេចតេជោ ហ៊ុន សែន ជូនដល់ លោកតា លោកយាយ អាយុលើសពី ១០០ឆ្នាំ រស់នៅក្នុងខេត្តស្វាយរៀង ដែលបានស្ម័គ្រចិត្តចាក់វ៉ាក់សាំងការពារជំងឺកូវីដ-១៩

បានផុស

៤ years មុន

នៅ

ថ្ងៃចន្ទ ១៣ កញ្ញា ២០២១

ដោយ

ស្វាយរៀង ៖ ថ្ងៃទី១៣ ខែកញ្ញា ឆ្នាំ ២០២១ លោកជំទាវ ឱ វណ្ណឌីន រដ្ឋលេខាធិការ ក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បានអញ្ជើញនាំយក រង្វាន់លើកទឹកចិត្តរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនលោកតា លោកយាយ ដែលមានអាយុលើសពី ១០០ឆ្នាំ ដែលបានស្ម័គ្រចិត្តចាក់វ៉ាក់សាំងការពារជំងឺកូវីដ-១៩ ចំនួន២នាក់ នៅក្នុងពិធីនោះដែរមានការចូលរួមពីសំណាក់ ឯកឧត្តម ម៉ែន វិបុល អភិបាលខេត្តស្វាយរៀង និងថ្នាក់ដឹកនាំជាច្រើនរូបទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១-លោកយាយ សៅ នាង អាយុ ១០០ឆ្នាំ រស់នៅភូមិព្រៃចំបក់ ឃុំឈើទាល ស្រុកស្វាយជ្រុំ ខេត្តស្វាយរៀង

២-លោកយាយ ជ័យ ពៅ អាយុ ១០០ឆ្នាំ រស់នៅឃុំពោធិរាជ ស្រុកស្វាយជ្រុំ ខេត្តស្វាយរៀង

សូមបញ្ជាក់ផងដែរថា អំណោយសម្តេចតេជោ ហ៊ុន សែន ដែលត្រូវផ្តល់ជូនលោកតា លោកយាយ ទាំង ២នាក់ នាពេលនេះគឺ:

– ថវិកាចំនួន ៣លានរៀល

– អង្ករចំនួន ១០០គីឡូក្រាម

– ទឹកសុទ្ធចំនួន ០២កេស

– មីចំនួន ១២កេស

– ប្រេងឆាចំនួន ០២ដប

– ទឹកស៊ីអីវចំនួន ០២យួ

– ត្រីខចំនួន ០១កេស

– ស្ករសចំនួន ០២គីឡូក្រាម។

លោកជំទាវក៏បានពាំនាំនូវប្រប្រសាសន៍ផ្តាំផ្ញើសាកសួរសុខទុក្ខ ពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន ជូនពរលោកយាយទាំងពីរសូមឲ្យមានសុខភាពល្អ ជៀសផុតពីជំងឺកាចសាហាវផ្សេងៗ និងសូមថែរក្សាអនាម័យ សុខភាពដើម្បីជៀសផុតពីជំងឺកូវីដ ១៩ ដោយត្រូវអនុវត្តនូវវិធានការសុខាភិបាលឲ្យបានខ្ជាប់ខ្ជួន ជាពិសេស គឺវិធានការ ៣ការពារ ៣កុំ៕

ដោយ ៖ ភក្ដី