កសិករ​បណ្ដុំបន្លែ​អូរាំងឪ​ បង្កើនការដាំដុះ​ ដោយសារចាប់ផ្ដើម​មានតម្រូវការទីផ្សារ​

ប្រជាកសិករបណ្តុំបន្លែគងជ័យ ក្នុងស្រុកអូរាំងឪ ខេត្តត្បូងឃ្មុំ បាននាំគ្នាបង្កេីតជាបណ្តុំ និងបង្កេីនការដាំដុះ ខណៈតម្រូវការទីផ្សារចាប់ផ្តេីមមានបណ្តេីរៗ ក្នុងបរិបទកូវីដនេះ។

ប្រជាកសិករចំនួន១២គ្រួសារ រស់នៅក្នុងភូមិចង្វា ឃុំគងជ័យ ស្រុកអូរាំងឪ ខេត្តត្បូងឃ្មុំ បានបង្កេីតជាបណ្តុំដាំដុះបន្លែ រួមមាន៖ សាឡាត ស្ពៃក្ដោប ស្ពៃក្រញ៉ាញ់ ខាតណា ត្រសក់ជាដេីម លេីផ្ទៃដីជិត ២ ហិកតា ។

កសិករដាំស្ពៃបានលេីកឡេីងថា ដំណាំស្ពៃអាចលក់ចេញក្នុងមួយគីឡូបាន ២០០០ ទៅ៣០០០រៀល។ ហេីយក្រោយពីមន្ត្រីជំនាញនៃមន្ទីរកសិកម្ម បានអប់រំណែនាំ បង្រៀនពីវិធីសាស្ត្រដាំដុះមក ពួកគាត់ចាប់ផ្តេីមមានបច្ចប្បន្នបច្ចេសទេសខ្ពស់លេីការដាំដុះថែរទាំ។

កសិករបានបន្ថែមទៀតថា មួយរយៈចុងក្រោយ នេះតម្រូវការទីផ្សារមានការកម្មង់ទិញច្រេីន ហេីយឈ្នួញកណ្តាលបានមកបញ្ជាទិញដល់ចម្ការតែម្តង។

កញ្ញា លឹម សុដាវី ភ្នាក់ងារ ផ្សព្វផ្សាយកសិកម្ម ឃុំគងជ័យ ស្រុកអូរាំងឪ បានបញ្ជាក់ឲ្យដឹងថា ក្រោយពីបង្កេីតជាបណ្តុំសម្រាប់កសិករដាំដុះបន្លែនៅតំបន់នេះមក សង្កេតឃេីញថា ពួកគាត់អាចយកដល់បានច្រេីនការដាំដុះ ថែរទាំ ដាក់ជី និងអាចចចាតម្លៃជាមួយឈ្នួញកណ្តាលទៅតាមតម្រូវទីផ្សារ ហេីយម្យ៉ាង អាជ្ញាធរ ខេត្ត និងខាងមន្ទីរកសិកម្មបានជួយតបណ្តាញភ្លេីង និងគម្រោងធ្វេីផ្លូវ ដេីម្បីជាការងាយស្រួលដឹកជញ្ជូនកសិផលរបស់ពួកគាត់ទៅកាន់ទីផ្សារ៕

អត្ថបទៈ ហុង ម៉េងហៀ