ព័ត៌មានជាតិ

អាជ្ញាធរក្រុងសៀមរាប ចុះពិនិត្យគោលដៅបិទខ្ទប់ពេលរាត្រី

បានផុស

៣ years មុន

នៅ

ថ្ងៃអង្គារ ១៤ កញ្ញា ២០២១

ដោយ

រួមគ្នាទទួលខុសត្រូវ និងចូលរួមទប់ស្កាត់ការចម្លងមេរោគកូវីដ-១៩ ដើម្បីសុវត្ថិភាពទាំងអស់គ្នានៅ ក្នុងសហគមន៍យើង នៅយប់រាត្រីថ្ងៃទី១៣ ខែកញ្ញា ឆ្នាំ២០២១នេះ លោក នួន ពុទ្ធារ៉ា អភិបាលក្រុង និងជាប្រធានគណៈបញ្ជាការឯកភាពនៃរដ្ឋបាលក្រុងសៀមរាប បានបន្តដឹកនាំក្រុមការងារចម្រុះចំនួន០៣ក្រុមចុះពិនិត្យមើល គោលដៅបិទខ្ទប់ និងល្បាតពិនិត្យមើលការអនុវត្តន៍សេចក្តីសម្រេចលេខ ១៥៤/២១ សសរ របស់រដ្ឋបាលខេត្តសៀមរាប ស្តីពីការកំណត់ “តំបន់លឿងទុំ” នៅក្នុងភូមិ សាស្ត្រក្រុងសៀមរាប ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលក្រុងសៀមរាប បានបញ្ចាក់ដែរថា ជាមួយគ្នានេះ ក្រុមការងារចម្រុះទាំងបីក្រុមក៏បានធ្វើកិច្ចសន្យាណែនាំដល់ម្ចាស់អាជីវកម្មដ្ឋាន បានចំនួនប្រមាណ៥០ទីតាំង នៅក្នុងក្រុងសៀមរាប ឲ្យលក់ដូរតាមរបៀបគន្លងថ្មី គឺវេចខ្ចប់ដោយមិនអនុញ្ញាតអោយភ្ញៀវ ឬអតិថិជនអង្គុយជួបជុំ នៅនឹង កន្លែងឡើយ និងអនុវត្តន៍ អោយបានត្រឹមត្រូវតាមការណែនាំរបស់ក្រសួងសុខាភិបាល និងវិធានការ ៣កុំ ៣កាពារ ដើម្បីរួមគ្នាកាត់ផ្តាច់កុំអោយមានករណីឆ្លងកូវីដ-១៩ បន្ត នៅក្នុងសហគមន៍យើង ។

លោកបានបន្តទៀតថា បើបន្ទាប់ពីធ្វើកិច្ចសន្យាណែនាំរួចហើយ ក្នុងករណីម្ចាស់អាជីវកម្មដ្ឋានណា មួយ នៅតែបន្តល្មើសម្ចាស់អាជីវកម្មដ្ឋាននោះ នឹងប្រឈមមុខ ចំពោះការផាកពិន័យ ឬការអនុវត្តវិធានការរដ្ឋបាល ជាធរមាន៕

អត្ថបទ៖ គឿនវេត