ព័ត៌មានជាតិ

ផ្លូវកណ្តាលក្រុង ជុំវិញផ្សារបឹងឈូក ខ្ទេចខ្ទីស្ទើរដើរមិនកើត

បានផុស

៣ years មុន

នៅ

ថ្ងៃអង្គារ ១៤ កញ្ញា ២០២១

ដោយ

ប្រជាពលរដ្ឋ ដែលរស់នៅក្នុងក្រុងបាត់ដំបង និងបានធ្វើដំណើរកាត់ផ្លូវជុំវិញផ្សារបឹងឈូក បានត្អូញត្អែរពីការលំបាក ក្នុងការធ្វើដំណើរ ដោយសារកំណាត់ផ្លូវនេះខូចខាត និងមានជង្ហុកធំៗយូរឆ្នាំ មកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋ និងអាជីវករជាច្រើន ដែលលក់ដូរ និងមានទីលំនៅជុំវិញផ្សារ បានឱ្យដឹងថា កំណាត់ផ្លូវនេះខូចខាតយូរឆ្នាំមកហើយ មិនទាន់ឃើញអាជ្ញាធរ ឬមន្រ្តីជំនាញណាមួយ ធ្វើការជួសជុលនៅឡើយទេ ដែលធ្វើឱ្យ ជង្ហុកទាំងនេះកាន់តែជ្រៅទៅៗ ពិសេសពេលភ្លៀងធ្លាក់ប្រៀបដូចកូនបឹង និងដូចរន្ធបាយខុមអញ្ចឹង។

ទាក់ទងការត្អូញត្អែរ របស់ពលរដ្ឋនេះ លោកផេង សិទ្ធី អភិបាលក្រុងបាត់ដំបងបានឱ្យ ដឹងថាខាងអាជ្ញាធរក្រុងបានរៀបចំគម្រោងជួសជុលហើយ និងបានលើកសំណើ ទៅឱ្យរដ្ឋបាលខេត្តដើម្បីពិនិត្យហើយ តែអាជ្ញាធរខេត្តមិនទាន់មានថវិកា។ នៅពេលដែលថវិកាធ្លាក់មក លោកនឹងធ្វើការជួសជុលកំណាត់ផ្លូវនេះភ្លាមជូនពលរដ្ឋ។

ជំនន់ទឹកភ្លៀងនាឆ្នាំកន្លងទៅបានបំផ្លាញហេដ្ឋារចនាសម្ពន្ធផ្លូវថ្នល់លូស្ពានជាដើម បណ្តាលឱ្យលិចជាច្រើនកន្លែងនៅក្នុងក្រុងបាត់ដំបង។ បញ្ហានេះត្រូវបានអាជ្ញាធរខេត្ត និងស្ថាប័នពាក់ព័ន្ធ បានធ្វើការជួសជុលឡើងវិញជាបន្តបន្ទាប់ ដោយឡែកតែផ្លូវជុំវិញផ្សារបឹងឈូកត្រូវជាប់គាំង៕

អត្ថបទ ៖ សោ និយមរ័ត្ន