ព័ត៌មានជាតិ

ផ្សារពង្របិទខ្ទប់ជិត១ខែ បើកឲ្យដំណើរការឡើងវិញ

បានផុស

៣ years មុន

នៅ

ថ្ងៃពុធ ១៥ កញ្ញា ២០២១

ដោយ

ខេត្តបន្ទាយមានជ័យ៖ ផ្សារពង្រ ស្ថិតក្នុងភូមិពង្រ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ក្រោយពីក្រុមគ្រូពេទ្យបានយកសំណាកអាជីវករផ្សារពង្រចំនួន ៦៨៧ នាក់ បានរកឃើញអាជីវករមាន វិជ្ជមានកូវវីដ.១៩ ចំនួន ៥៦នាក់ កាលពីល្ងាចថ្ងៃទី២១ខែសីហា ឆ្នាំ២០២១ ត្រូវបានអាជ្ញាធរក្រុងសិរីសោភ័ណធ្វើការបិទខ្ទប់អស់រយះពេលជិត១ខែ ឥឡូវបើកឲ្យដំណើរការឲ្យអាជីវករចូលលក់ដូរវិញបានហើយ នៅព្រឹក ថ្ងៃទី១៤ ខែ កញ្ញា ឆ្នាំ ២០២១។

លោកហ៊ីល រ៉ាយ៉ា អភិបាលក្រុងសិរីសោភ័ណ និងមន្ត្រី ក្រុមការងារនៅថ្ងៃទី១៤ខែកញ្ញានេះ បានចុះពិនិត្យនិងកាត់ស្រាយខ្សែបិទខ្ទប់ ជានិមិត្តរូបនៃការបញ្ចប់ការបិទខ្ទប់ឬអនុញ្ញាតឲ្យបងប្អូនអាជីវករ និងអតិថិជនបានដំណើរការរកស៊ីលក់ដូរបានឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបញ្ចប់ការបិទខ្ចប់នេះគឺបន្ទាប់ពីមានករណីផ្ទុះកូវីដ.១៩ ហើយអាជ្ញាធរបានបិទខ្ទប់ផ្សារពីថ្ងៃទី២១ខែសីហា ឆ្នាំ២០២១ កន្លងមក ។

លោកហុឹលរ៉ាយ៉ាបានបញ្ជាក់ឲ្យដឹងបន្តទៀតថា ស្របតាមការជូនដំណឹងរបស់អាជ្ញាធរមូលដ្ឋាន ពេលដែលឲ្យអាជីវករចូលលក់ក្នុងផ្សារពង្រនេះ ក្រុមការងារបានបាញ់ថ្នាំសម្លាប់មេរោគអស់ហើយ។ក្នុងនោះអាជីករមុនចូលលក់ក្នុងផ្សារត្រូវបាញ់ថ្នាំ អាកុល សម្លាប់មេរោគរាល់សបសប្តាហ៍។ ករណីមានបុគ្គលណាមានអាការៈសង្ស័យ ត្រូវសហការជាមួយក្រុមគ្រូពេទ្យ ដើម្បីយកសំណាកភ្លាម។

អាជីវករទាំងអស់ត្រូវរៀបចំតូបរបស់ខ្លួន ឲ្យមានលក្ខណៈស្រឡះទូលាយមានខ្យល់ចេញចូលគ្រប់គ្រាន់ និងរៀបចំដាក់ឲ្យមានរបៀបរៀបរយ មានអាកុល ពាក់ម៉ាស់និងមិនអនុញ្ញាតឲ្យប្រមូលផ្ដុំគ្នាឡើយ។ចំណែកអ្នកមកទិញឥវ៉ាន់ឬអតិថិជនត្រូវតែតម្រង់ជួរដោយរក្សាគម្លាតឲ្យបាន១,៥ ម៉ែត្រពីគ្នាប្រសិនបើម្ចាស់តូបមិនអនុវត្តតាមការណែនាំនេះឬមិនធ្វើតាមការណែនាំរបស់។

អាជ្ញធរឬមន្ត្រីមានសមសមត្ថកិច្ចរកឃើញថាអាជីវករណាមិនធ្វើតាម មានហានិភ័យខ្ពស់ក្នុងការចម្លងមេរោគកូវីដ-១៩ នឹងត្រូវផផ្អាកមិនឲ្យប្រកបអាជីវកម្មននៅក្នុងផ្សារនេះបន្តទៀតឡើយ ចំពោះអ្នកគ្រប់គ្រងផ្សារត្រូវទទួលខុសត្រូវនិងធានាបាននូវការអនុវត្តការណែនាំនេះឲ្យមានប្រសិទ្ធភាព៕

អត្ថបទ៖ វ៉ាន់ ណាង

Related Topics:កូវីដ-១៩