ព័ត៌មានជាតិ
សិស្សានុសិស្ស លោកគ្រូអ្នកគ្រូ ខេត្តប៉ៃលិន ថ្លែងអំណរគុណសម្តេចតេជោ ដែលបានបើកឲ្យសិស្ស ដំណើរការរៀនសូត្រឡើងវិញ
ប៉ៃលិន ៖ បន្ទាប់ពីបិទនៅគ្រឹះស្ថានសិក្សាសាធារណ: និងឯកជន អស់រយៈពេលយ៉ាងយូរ ដោយសារការឆ្លងរាលដាលជំងឺកូវីដ១៩ ចូលក្នុងសហគមន៍ នៅថ្ងៃទី១៥ ខែកញ្ញា ឆ្នាំ២០២១នេះ សិស្សានុសិស្ស និងលោកគ្រូអ្នកគ្រូ មានការសប្បាយរីករាយយ៉ាងខ្លាំង ពេលឃើញសាលារៀន ត្រូវបានបើកឱ្យដំណើរការឡើងវិញ។
បើតាមសំដីយុវសិស្សម្នាក់ឈ្មោះ រតន: ជាសិស្សរៀនថ្នាក់ទី៩ នៃអនុវិទ្យាល័យបរយ៉ាខា បានឱ្យដឹងថា តំណាងឱ្យសិស្សានុសិស្សទាំងអស់ ពួកគេពិតជាសប្បាយរីករាយយ៉ាងខ្លាំង ដែលបានចូលរៀននាថ្ងៃដំបូងនេះ បន្ទាប់ពីសាលារៀនទាំងអស់នៅក្នុងខេត្ត ក៏ដូចជាទូទាំងប្រទេសកម្ពុជា ត្រូវបានបិទទ្វារ ដោយសារតែការឆ្លងរាលដាលនៃជំងឺកូវីដ១៩ ចូលក្នុងសហគមន៍។
យុវសិស្សខាងលើ បានបន្តឲ្យដឹងថា ក្នុងការចូលរៀននេះ ពួកគេទាំងអស់គ្នា បានគោរពតាមការណែនាំរបស់ប្រមុខរាជរដ្ឋភិបាល (៣ការពារ ៣កុំ) និងអនុវត្តតាមវិធានការនានា របស់ក្រសួងសុខាភិបាល ដោយលាងដៃជាមួយសាប៊ូ ទឹកអាល់កុល ឬជែល ពាក់ម៉ាសជាប់ជានិច្ច ព្រមទាំងរក្សាគម្លាតសុវត្ថិភាពផងដែរ ។ហើយចំពោះការចូលរៀននេះដែរគឺពួកគេបានទទួលការចាក់វ៉ាក់សាំងប្រឆាំងនឹងជំងឺកូវីដ១៩ លើកទី២ រួចរាល់ ទើបរដ្ឋបាលខេត្ត និងមន្ទីរអប់រំខេត្ត អនុញ្ញាតឱ្យចូលរៀនសារជាថ្មីឡើងវិញ ។
ជាមួយគ្នានេះ ពួកគេក៏សូមថ្លែងអំណរគុណដល់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា និងលោកស្រី បាន ស្រីមុំ អភិបាលខេត្តប៉ៃលិន ដែលបានអនុញ្ញាតឱ្យដំណើរការចូលរៀនឡើងវិញផងដែរ។
ចំណែកលោកគ្រូ ទាវ សាម៉ុន គ្រូបង្រៀនគណិតវិទ្យា នៃអនុវិទ្យាល័យបរយ៉ាខា បានឱ្យដឹងថា លោកពិតជាសប្បាយចិត្តខ្លាំង ខណៈដែលសាលារៀនបានបើកឱ្យដំណើរការឡើងវិញ។ បន្ទាប់ពីបានបិទទ្វារអស់រយៈពេលជាច្រើនខែ ដោយមានតែការបង្រៀនតាមប្រព័ន្ធអ៊ីនធើណេត ប៉ុណ្ណោះ។
លោកបន្តទៀតថា ការបង្រៀនតាមប្រព័ន្ធអនឡាញពិតជាជួបការលំបាកច្រើន ដោយជួនកាលសិស្សនៅតំបន់ អត់សូវមានសេវា សិស្សខ្លះអត់បានប្រើទូរសព្ទទំនើប លំបាកក្នុងការមើលមេរៀន ក៏ដូចជាលំបាកក្នុងការពន្យល់ ដើម្បីឱ្យសិស្សងាយយល់ជាដើម។
លោកបញ្ជាក់ទៀតថា តែពេលសាលាបើកឡើងវិញ ការបង្រៀនផ្ទាល់បង្កភាពងាយស្រួលជាង ព្រោះអាចពិនិត្យ និងស្ទង់មើលចំណេះដឹងសិស្ស ព្រមទាំងអាចសួរនាំត្រង់កន្លែងណាដែលឆ្ងល់ និងធ្វើការពន្យល់បានក្បោះក្បាយថែមទៀត។
លោកក៏សូមអរគុណដល់លោកស្រី បាន ស្រីមុំ អភិបាលខេត្តប៉ៃលិន ក៏ដូចជារាជរដ្ឋាភិបាលកម្ពុជា ដែលបានបើកឱ្យសាលារៀនមួយចំនួននៅក្នុងខេត្តប៉ៃលិន បានដំណើរការចូលរៀនសាជាថ្មីឡើងវិញ។
ទោះបីជាយ៉ាងណា នៅក្នុងសាលារៀនរបស់លោក មុននឹងចូលដល់បន្ទប់រៀន គឺមានអ្នកឈរចាំបាញ់អាល់កុល ព្រមទាំងពិនិត្យកំដៅ ដើម្បីការពារកុំឱ្យឆ្លងរាលដាលនៃជំងឺកូវីដ១៩សាជាថ្មីឡើងវិញ។
បើតាមលោក តង់ ធារ៉ា ប្រធានមន្ទីរអប់រំ យុវជន និង កីឡាខេត្តប៉ៃលិន បានឱ្យដឹងដែរថា មុនហ្នឹងឲ្យដំណើរការរៀននៅក្នុងសាលា ខាងមន្ទីរអប់រំ យុវជននិងកីឡា បានដាក់បទបញ្ជាផ្ទៃក្នុងចំនួន៨ចំណុច ឲ្យគោរពនិងអនុវត្តន៍តាមផងដែរ។
លោកបានបន្តថា ថ្ងៃនេះ នៅទូទាំងខេត្ត បើកសាលារៀនចំនួន៣៦កន្លែង ចាប់ពីបឋមសិក្សា រហូតដល់អនុវិទ្យាល័យ ដោយមានសិស្សប្រមាណ១១០៦៧នាក់ ។ រីឯនៅតាមសាលារៀន ដែលជាតំបន់មានហានិភ័យទាប គឺនឹងបើកឱ្យដំណើរការជាបន្តបន្ទាប់នៅថ្ងៃខាងមុខផងដែរ៕
ដោយ ៖ សេង សុវណ្ណារិទ្ធ
ជាងក្រឡឹងម្នាក់នៅស្រុកអូយ៉ាដាវ ខេត្តរតនគីរី ឈ្នះរង្វាន់ ១២៥លានរៀល ពីភេសជ្ជៈប៉ូវកម្លាំង ខារ៉ាបាវ
ផ្លូវថ្មើរជើង (Walk street) តាមបណ្តោយមាត់ទន្លេចាប់មុខប្រៃសណីយ៍ ដល់មុខព្រះបរមរាជវាំង នឹងដាក់ឱ្យដំណើរការនៅចុងខែមករា២០២៥ខាងមុខនេះ
ប្រធានគណបក្សខ្មែរតែមួយ អំពាវនាវដល់យុវជនជំនាន់ក្រោយចងចាំ«ទិវាសន្ដិភាពនៅកម្ពុជា»
ត្បិតទំហំពាណិជ្ជកម្ពុជា-ឥណ្ឌា កើនឡើង តែសម្ដេចតេជោ ថាមិនទាន់សមនឹងសក្តានុពលប្រទេសទាំងពីរ និងបានស្នើឱ្យពង្រីកការផ្លាស់ប្តូរសេដ្ឋកិច្ច និងការវិនិយោគ
ប្រធានគណបក្សខ្មែរតែមួយ ហៅទណ្ឌិត សម រង្ស៊ី ជាអ្នកនយោបាយប្រើគំនុំសងសឹក ធ្វើជាដើមទុនបោកប្រាស់ពលរដ្ឋ
ដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
អ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
បុរសម្នាក់ បើករថយន្តធុនធំ ងោកមួយភាំង រេចង្កូតបុកស្លាកប៉ាណូអស់ ០២ ដើម និងរបងដីឡូត៍ពលរដ្ឋរងការខូចខាត
ដំណឹងល្អ! វ៉ាក់សាំងមហារីករុស្ស៊ី ព្យាបាលអ្នកជំងឺជាសះស្បើយ៧នាក់ហើយ និងគ្រោងដាក់លក់លើទីផ្សារនៅឆ្នាំក្រោយ
បុរសកម្សត់ម្នាក់ អួលដើមកសម្រក់ទឹកភ្នែក លើកដៃទទួលទឹកចិត្តឧកញ៉ា ព្រាប សុវត្ថិ ដែលជូនថវិកាដល់គ្រួសារខ្លួន
-
ព័ត៌មានជាតិ៥ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៦ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម១៧ ម៉ោង agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម១ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៥ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៥ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានអន្ដរជាតិ១ សប្តាហ៍ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ១ សប្តាហ៍ agoលោក Zelensky៖ រុស្ស៊ីដុតមុខសាកសពទាហានកូរ៉េខាងជើង ដើម្បីលាក់អត្តសញ្ញាណ (វីដេអូ)