ព័ត៌មានជាតិ
មានកុមារជាច្រើននៅរាជធានីភ្នំពេញបានទៅទទួលការចាក់វ៉ាក់សាំងការពារកូវីដនៅថ្ងៃដំបូង
ថ្ងៃទី១៧ ខែកញ្ញា ឆ្នាំ២០២១នេះ គឺជាថ្ងៃដំបូងនៃការបើកយុទ្ធនាការចាក់វ៉ាក់សាំងជូនកុមារដែលមានអាយុពី៦ឆ្នាំដល់ក្រោម១២ឆ្នាំ ។ ក្នុងយុទ្ធនាការនេះ គេបានឃើញនៅតាមបណ្ដាមណ្ឌលសុខភាពទាំង០៨ នៅរាជធានីភ្នំពេញ មានអាណាព្យាបាល ឪពុកម្ដាយរបស់កុមារបាននាំកូន ចៅរបស់ខ្លួនទៅចាក់វ៉ាក់សាំងយ៉ាងច្រើនកុះករ ជាមួយនឹងភាពក្លាហានរបស់កុមារដើម្បីឆាប់បានចូលរៀនសូត្រ។
ក្នុងព្រឹត្តិការណ៍នេះគេក៏បានឃើញអភិបាលនៃគណៈអភិបាលខណ្ឌនីមួយៗ បានចុះទៅសម្របសម្រួលនៅតាមទីតាំងនៃការចាក់វ៉ាក់សាំងទាំងនោះផងដែរ ដើម្បីឲ្យដំណើរការនៃការលក់ការចាក់វ៉ាក់សាំងនេះដំណើរការទៅដោយរលូន និងទទួលបាននូវភាពជោគជ័យ។ ក្នុងនោះគេបានឃើញ អភិបាលនៃគណៈអភិបាលខណ្ឌច្បារអំពៅបានចុះទៅសម្របសម្រួលនិងពិនិត្យស្ថានភាពជាក់ស្តែងនៅមណ្ឌលសុខភាពច្បារអំពៅ លោក ឯក ឃុនដឿន អភិបាលខណ្ឌឬស្សីកែវ បានចុះទៅមណ្ឌលសុខភាពសម្ដេចឪនិងសម្ដេចម៉ែ នៅគីឡូម៉ែត្រលេខ០៦ ។
លោក ឯក ឃុនដឿន បានបញ្ជាក់ថា នៅខណ្ឌឬស្សីកែវមានទីតាំង២កន្លែងសម្រាប់ចាក់វ៉ាក់សាំងជូនកុមារដែលមានអាយុពី៦ឆ្នាំដល់ក្រោម១២ឆ្នាំ ក្នុងនោះមានមណ្ឌលសុខភាពសម្ដេចឪនិងសម្ដេចម៉ែ និងមណ្ឌលសុខភាពគីឡូម៉ែត្រលេខ៩ ហើយបើស្ថិតិកុមារដែលត្រូវទទួលការចាក់វ៉ាក់សាំងមានចំនួនជាង១៨០០០នាក់ ។
លោក ចេង មុនីរ៉ា អភិបាលខណ្ឌច្បារអំពៅ បានមានប្រសាសន៍ថា ថ្ងៃទី១៧ ខែកញ្ញា ឆ្នាំ២០២១នេះ គឺជាថ្ងៃនៃការបើកយុទ្ធនាការចាក់វ៉ាក់សាំងជូនកុមារដែលមានអាយុពី៦ឆ្នាំដល់ក្រោម១២ឆ្នាំសម្រាប់ខណ្ឌច្បារអំពៅ មានកុមារយ៉ាងច្រើនមកទទួលការចាក់វ៉ាក់សាំង ដោយភាពខ្លាហាន ព្រោះពួកគេចង់បានចូលរៀនឆាប់ៗ ។ចំពោះស្ថិតិកុមារដែលត្រូវទទួលការចាក់វ៉ាក់សាំងមានចំនួនជាង១៧៩៧៣នាក់ ។
លោក ថេង សុថុល អភិបាលនៃគណៈអភិបាលខណ្ឌចំការមន ខណៈចុះពិនិត្យនិងសម្របសម្រួលនៅទីតាំងចាក់សាំងមណ្ឌលសុខភាពផ្សារដើមថ្កូវ ឯណោះវិញ បានបញ្ជាក់ឲ្យដឹងដែរថា ការចាក់វ៉ាក់សាំងជូនកុមារ ពីអាយុ៦ឆ្នាំទៅក្រោម១២ឆ្នាំនេះ គឺអនុវត្តតាមអនុសាសន៍ដ៏ខ្ពង់ខ្ពស់របស់សម្ដេចតេជោហ៊ុន សែន ដោយសម្ដេចតែងតែបានគិតគូរពីសុខភាពប្រជាពលរដ្ឋ ។
លោកបញ្ជាក់ថា ការចុះមកទីតាំងខាងលើនេះ គឺដើម្បីសម្រួលឲ្យការចាក់វ៉ាក់សាំងដំណើរការទៅដោយរលូននៅតាមទីតាំងមួយៗលោកក៏បានធ្វើការអំពាវនាវឱ្យបងប្អូនប្រជាពលរដ្ឋដែលជាមាតាបិតាកុមារ សូមនាំកូន ចៅមកចាក់វ៉ាក់សាំង ទៅតាមការអញ្ជើញរបស់អាជ្ញាធរអោយបានគ្រប់គ្នា ។ លោកបញ្ជាក់ថា បើតាមស្ថិតិកុមារដែលត្រូវទទួលការចាក់វ៉ាក់សាំងនៅក្នុងខណ្ឌចំការមនមានចំនួន៤៨៥០នាក់ ។
លោក ឃឹម ស៊ុនសូដា អភិបាលខណ្ឌកំបូលខណៈចុះពិនិត្យទីតាំងចាក់វ៉ាក់សាំងនេះដែរ បានលើកឡើងថា បងប្អូនប្រជាពលរដ្ឋដែលជាមាតា បិតា អាណាព្យាបាលកុមារដែលត្រូវចាក់វ៉ាក់សាំង ពួកគាត់ ពិតជាមានសេចក្តីត្រេកអរ និងថ្លែងអំណរគុណយ៉ាងជ្រាលជ្រៅជាទីបំផុតដល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានផ្តល់វ៉ាក់សាំង ចាក់ជូនកូន ចៅពួកគាត់ ដើម្បីការពារសុខមាលភាពកុមារ បង្កើតភាស៊ាំ និងទប់ស្កាត់ការឆ្លងរាលដាលនៃជំងឺកូវីដ-១៩ ដើម្បីមានលទ្ធភាពបេីកសាលារៀនឡើងវិញនាពេលឆាប់ខាងមុខ ។
គួរបញ្ជាក់ផងដែរថា បើយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ ការចាក់វ៉ាក់សាំងបង្ការជំងឺកូវីដ-១៩ ជូនកុមារដែលមានអាយុ ចាប់ពី ០៦ ឆ្នាំ ដល់ក្រោម ១២ ឆ្នាំ ក្នុងភូមិសាស្ត្ររាជធានីភ្នំពេញ សម្រាប់ដូសទី១ គឺត្រូវចាប់ផ្តើមពីថ្ងៃទី១៧ ខែកញ្ញានេះ ដល់ ថ្ងៃទី០៣ ខែតុលា ឆ្នាំ២០២១ និងសម្រាប់ដូសទី២ចាប់ផ្តើមពីថ្ងៃទី០៨ ដល់ថ្ងៃទី២៤ ខែតុលា ឆ្នាំ២០២១ រៀងរាល់ ម៉ោង ០៨:០០នាទីព្រឹក ដល់ម៉ោង ១៧:០០នាទីរសៀល តាមរយៈការអញ្ជើញ និងទំនាក់ទំនងជាមួយអាជ្ញាធរមូលដ្ឋាន ដែលមានទីតាំងចំនួន ៤២ ទីតាំង ៕
អត្ថបទ៖ ស្រីរ័ត្ន
Update! ដឹងមូលហេតុដែលជនជាតិចិនផ្ទុះអាវុធ នៅខណ្ឌពោធិ៍សែនជ័យហើយ
ប្រជាពលរដ្ឋភ្ញាក់ផ្អើលឃើញសាកសពបុរសម្នាក់ដេកស្លាប់កណ្តាលវាល
ទូតចិន ថ្កោលទោសជនជាតិចិនបាញ់បោះក្បែរព្រលានយន្តហោះពោធិ៍ចិនតុង និងស្នើផ្ដន្ទាទោសឱ្យធ្ងន់ធ្ងរ
សម្ដេចធិបតី៖ លោក សម រង្ស៊ី ស្រេកឃ្លានតំណែងនាយករដ្ឋមន្ត្រីណាស់ តែមិនបានធ្វើ ក៏តាំងខ្លួនជានាយករដ្ឋមន្ត្រីតែម្ដង
អាជ្ញាធររាជធានីនឹងបិទផ្លូវបេតុងលូប្រាំ ឆ្លងកាត់ប្រឡាយភូមិម័លជាបណ្តោះអាសន្ន ចាប់ពីថ្ងៃទី១៧ កុម្ភៈ ដល់ថ្ងៃទី៣០ ខែមេសា
រុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
កម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
ទូតចិន ថ្កោលទោសជនជាតិចិនបាញ់បោះក្បែរព្រលានយន្តហោះពោធិ៍ចិនតុង និងស្នើផ្ដន្ទាទោសឱ្យធ្ងន់ធ្ងរ
មុនថ្ងៃទិវានៃក្ដីស្រឡាញ់ បុរសជាសង្សារកាប់ប្រហារនារីគូស្នេហ៍របួសធ្ងន់ រួចទៅលោតទឹកសម្លាប់ខ្លួន
លោក កែវ សារ៉េត ៖«គ្មានព័ត៌មានអ្វីពី FIFA ឬ AFC រឿងកម្ពុជាជំនួសប៉ាគីស្ថាន»
-
សន្តិសុខសង្គម៥ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ១ សប្តាហ៍ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានជាតិ៤ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
សន្តិសុខសង្គម១ សប្តាហ៍ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ ថ្ងៃ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៤ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
បច្ចេកវិទ្យា១ ថ្ងៃ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ