ព័ត៌មានជាតិ
អភិបាលខេត្តកំពង់ធំ បើកយុទ្ធនា ការចាក់វ៉ាក់សាំងប្រឆាំងកូវីដ១៩ ជូនកុមារ អាយុ៦ឆ្នាំ ដល់១២ឆ្នាំ
ឯកឧត្តម សុខ លូ អភិបាលនៃគណៈអភិបាលខេត្តកំពង់ធំ បានអញ្ជើញជាអធិបតីភាព ក្នុងពិធីប្រកាសបើកយុទ្ធនាការចាក់វ៉ាក់សាំងបង្ការ ការពារការឆ្លងរីករាលដាលមេរោគជំងឺកូវីដ១៩ ជូនដល់កុមារ ដែលមានអាយុចាប់ពី៦ឆ្នាំរហូត ដល់១២ឆ្នាំ ពិធីនេះបានធ្វើឡើង នៅក្នុងបរិវេណមន្ទីរពេទ្យបង្អែក ខេត្តកំពង់ធំព្រឹកថ្ងៃទី១៧ ខែកញ្ញា ឆ្នាំ២០២១។
ដោយយោងតាមរបាយការណ៍របស់រដ្ឋបាលខេត្តកំពង់ធំ បានបញ្ជាក់ថា ការចាក់វ៉ាក់សាំងការពារជំងឺកូវីដ១៩ ដល់កុមារអាយុ៦ឆ្នាំដល់ក្រោមអាយុ១២ មានប្រមាណ ជាង១០ម៉ឺននាក់ ដែលត្រូវបានរៀបចំនួន៣៩ មណ្ឌលចាក់វ៉ាក់សាំង តាមក្រុងស្រុកទាំង៩ ទូទាំងខេត្ត។
ឯកឧត្តម សុខ លូ អភិបាលខេត្តកំពង់ធំ បានមានប្រសាសន៍នៅក្នុងអង្គពិធីថា ការចាក់វ៉ាក់សាំង ដូសទី១ សម្រាប់កុមារ គឺជាការគិតគូរយកចិត្តទុកដាក់របស់សម្តេចអគ្គមហាសេនាបតីតេជោហ៊ុន សែន ប្រមុខរាជរដ្ឋាភិបាល មកលើកុមារដែលមានអាយុចាប់ពី ៦ឆ្នាំរហូតដល់ ១៣ឆ្នាំ ក្នុងគោលបំណងជំរុញឲ្យមានការបើកសាលាបឋមសិក្សាឡើងវិញ ខណៈពេលដែលកុមារដែលមានអាយុ១២ឆ្នាំរហូតដល់ ១៨ឆ្នាំ បានកំពុងតែបន្តចាក់វ៉ាក់សាំងដូសបន្ត ហើយឈានទៅដល់ការបើកសាលាឲ្យដំណើរការទូទាំងប្រទេស។
អភិបាលខេត្តកំពង់ធំ បានមានប្រសាសន៍ថា បើទោះបីជាសិស្សានុសិស្ស ឬកុមារតូចៗដែលបានទទួលការចាក់វ៉ាក់សាំង នឹងត្រូវបានចូលរៀននៅសាលាសាជាថ្មី ក៏ត្រូវតែមានការប្រុងប្រយ័ត្នខ្ពស់ ដោយអនុវត្តតាមការណែនាំរបស់ក្រសួងសុខាភិបាល និងអនុវត្តវិធានការ បីកុំបីការពារ របស់សម្ដេចតេជោ ហ៊ុន សែន ដោយមុននឹងចូលសាលាត្រូវពាក់ម៉ាស បាញ់អាល់កុល ឬជេលសម្លាប់មេរោគ នឹងរក្សាគម្លាតសុវត្ថិភាព ដើម្បីបង្ការទប់ស្កាត់ការឆ្លងមេរោគដ៏កាចសាហាវនេះ។
ប្រជាពលរដ្ឋក៏ដូចជាមាតាបិតា អាណាព្យាបាល បានសំដែងនូវសេចក្តីត្រេកអរ ឥតឧបមាដោយ បានឃើញកូនជាទីស្រឡាញ់របស់គាត់ បានទទួលវ៉ាក់សាំងការពារការឆ្លងមេរោគកូវីដ១៩ និងសប្បាយចិត្តជាខ្លាំង ខណៈពេលដែលកូនៗរបស់ពួកគាត់ បានចូលរៀនសារឡើងវិញ បន្ទាប់ពីបិទសាលាមួយរយៈកន្លងមក និងសង្ឃឹមថាមេរោគដ៏សាហាវនេះ និងរលាយឆាប់ៗនៅពេលខាងមុខនេះ៕
អត្ថបទ៖ ប៊ុន រដ្ឋា
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ