ព័ត៌មានជាតិ

ស្ថានទូតកម្ពុជា ប្រចាំប្រទេសម៉ាឡេស៊ី បានអន្តរាគមន៍ជួយបញ្ជូនពលរដ្ឋខ្មែរចំនួន០៤នាក់ ត្រឡប់មកកម្ពុជាវិញ

បានផុស

៣ years មុន

នៅ

ថ្ងៃសុក្រ ១៧ កញ្ញា ២០២១

ដោយ

អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា លោក កុយ គួង បានឲ្យដឹងនៅរសៀលថ្ងៃទី១៧ ខែកញ្ញា នេះថា ស្ថានទូតកម្ពុជាប្រចាំប្រទេសម៉ាឡេស៊ី បានអន្តរាគមន៍ជួយបញ្ជូនពលរដ្ឋខ្មែរចំនួន០៤នាក់ត្រឡប់មកកម្ពុជាវិញ តាមរយៈជើងយន្តហោះអាកាសចរណ៍សិង្ហបូរីលេខ SQ158 នាថ្ងៃទី១៧ ខែកញ្ញា ឆ្នាំ២០២១ វេលាម៉ោង៥ និង៣០នាទីល្ងាច នៅព្រលានយន្តហោះភ្នំពេញ។

បើតាមលោក កុយ គួង ដោយសារពលរដ្ឋខាងលើមានជីវភាពក្រីក្រខ្លាំង ពុំមាន លទ្ធភាពទិញសំបុត្រយន្តហោះ ស្ថានទូតបានសហការជាមួយអង្គការ IOM Malaysia ដើម្បីផ្តល់សំបុត្រយន្តហោះជូនពួកគាត់ត្រឡប់ទៅកម្ពុជាវិញ។

ក្នុងនោះ ស្ថានទូតបានជួយចេញលិខិតធ្វើដំណើរបណ្តោះអាសន្ន និងសម្រប សម្រួលជាមួយមន្ត្រីអន្តោប្រវេសន៍ម៉ាឡេស៊ី ព្រមទាំងបានចាត់មន្ត្រីជូន ដំណើរពលរដ្ឋខាងលើ នៅអាកាសយានដ្ឋានអន្តរជាតិ KLIA ផងដែរ៕

ដោយ ៖ កោះកែវ