បុគ្គលិក-កម្មករ ដឹកជញ្ជូន​ ទទួលបាន​ ការចាក់វ៉ាក់សាំង​ដូសទី៣ ថ្ងៃនេះ

អនុគណៈកម្មការចំពោះកិច្ចចាក់វាំក់សាំង កូវីដ-១៩ ក្នុងក្របខណ្ឌទូទាំងរាជធានីភ្នំពេញ នឹងចាប់ផ្ដើម “យុទ្ធនាការចាក់វាំក់សាំងបង្ការជំងឺកូវីដ-១៩ ដូសទី៣ ដូសជំរុញ” ជូនដល់បុគ្គលិក-កម្មករ ដែលកំពុងបម្រើការងារដឹកជញ្ជូនទំនិញ-ម្ហូបអាហារ និងអ្នកប្រកបមុខរបរសេដ្ឋកិច្ច ក្រៅប្រព័ន្ធទាំងអស់ នៅថ្ងៃទី ១៨ ខែកញ្ញា នៅតាមទីតាំងចាក់វ៉ាក់សាំងចំនួន ៤១ សំដៅបង្កើតឱ្យបាន “ភាពស៊ាំសហគមន៍រឹងមាំពិតប្រាកដមួយ” ទប់ទល់នឹងជំងឺរាតត្បាតសកល កូវីដ-១៩ ជាពិសេសមេរោគបំប្លែងខ្លួនថ្មី ប្រភេទដែលតា (Delta)។

រដ្ឋបាលរាជធានីភ្នំពេញ ប្រាប់ឱ្យបុគ្គលិក-កម្មករ ដែលកំពុងបម្រើការងារដឹកជញ្ជូនទំនិញ ម្ហូបអាហារ និងអ្នកប្រកបមុខរបរសេដ្ឋកិច្ចក្រៅប្រព័ន្ធទាំងអស់ ក្នុងមូលដ្ឋានរាជធានីភ្នំពេញ រួសរាន់មកទទួលវាំកំសាំង ដួសជំរុញ ឬ ដូសទី៣ ចាប់ពីថ្ងៃទី១៨ ខែកញ្ញា ឆ្នាំ២០២១ នេះតទៅ តាមកម្មវិធី និងទីកន្លែងដែលបានកំណត់។

ឯកសារត្រូវភ្ជាប់មកជាមួយរួមមាន៖

– ប័ណ្ណចាក់វាំក់សាំងកូវីដ-១៩
– ប័ណ្ណសម្គាល់ខ្លួនបុគ្គលិក-កម្មករ ឬ លិខិតផ្សេងៗដែលបញ្ជាក់ការប្រកបមុខរបរសេដ្ឋកិច្ចក្រៅប្រព័ន្ធ

– អត្តសញ្ញាណប័ណ្ណសញ្ជាតិខ្មែរ ឬ ឯកសារដែលបានប្រើប្រាស់ក្នុងការចាក់វាក់សាំងនាពេលកន្លងមក
– ព្រមទាំងត្រូវគោរពនូវលក្ខខណ្ឌនៃការទទួលបានវាំកំសាំងដូសជំរុញ ឬ ដូសទី៣ ពោលគឺធានានូវគម្លាតរយៈពេល ០៤ (បូន) ខែ គិតចាប់ពីកាលបរិច្ឆេទនៃការចាក់វាំកំសាំងដូសទី១៕

អានពិស្ដារទីតាំងចាក់វ៉ាក់សាំង៖

អត្ថបទៈ ស្រីរ័ត្ន