ព័ត៌មានជាតិ

ផ្ទុះកំប៉ុងហ្គាសបង្កឲ្យឆេះផ្ទះមួយខ្នង នៅសង្កាត់ក្បាលកោះ

បានផុស

៣ years មុន

នៅ

ថ្ងៃសៅរ៍ ១៨ កញ្ញា ២០២១

ដោយ

Kang Tola

ភ្នំពេញ ៖ ផ្ទះមួយខ្នងសង់ថ្មរក្រោមឈើលើត្រូវបានអគ្គិភ័យបំផ្លាញអស់ដែលតាមការអះអាងពីម្ចាស់ផ្ទះគឺដោយសារផ្ទុះកំប៉ុងហ្គាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើងនាវេលាម៉ោង១និង៤០នាទីរសៀល ថ្ងៃទី១៨ខែកញ្ញានៅភូមិជ្រោយអំពិល២សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ដែលមានម្ចាស់ផ្ទះឈ្មោះអ៊ិត សាវឿន ភេទប្រុស អាយុ៤៤ឆ្នាំ មុខរបរជួសជុលម៉ូតូ និងលក់ហ្គាស។ផ្ទះជនរងគ្រោះទទឹង៤ម៉ែត្របណ្តោយ៩ម៉ែត្រ។

តាមប្រភពពីម្ចាស់ផ្ទះបានឲ្យដឹងថា មុនពេលកើតហេតុមានឮសម្លេងផ្ទុះកំប៉ុងហ្គាសនៅចង្ក្រានបាយចេញជាអណ្តាតភ្លើងឆាបជាអណ្តាតភ្លើងហើយពុំបានយកទ្រព្យសម្បតិអ្វីបានឡើយ។ភ្លាមៗនោះប្រជាពលរដ្ឋបានស្រែកឆោឡោឡើងនិងសុំកិច្ចអន្តរាគមន៍។

ដោយឡែកប្រភពពីលោកគ្រី ហ៊ុច មន្ត្រីប្រចាំការសាលាខណ្ឌច្បារអំពៅបានឲ្យដឹងថា ក្នុងសភាពការណ៍នេះរថយន្តពន្លត់អគ្គិភ័យចំនួន១១គ្រឿង មកជួយបាញ់ពន្លត់ឲ្យរលត់ទៅវិញប្រមាណជា៥៩នាទីហើយការខាតបង់គឺទ្រព្យក្នុងផ្ទះស្ទើរទាំងស្រុង។ ហើយក៏ពុំបណ្តាលឲ្យឆ្លងរាលដាលដល់អ្នកជិតខាងឡើយ៕

ដោយ ៖ នរា