ព័ត៌មានជាតិ

សមត្ថកិច្ចខេត្តកែប ឃាត់ខ្លួនក្រុមក្មេងទំនើងជាច្រើននាក់ ខណៈផឹកស៊ីល្មើសនឹងវិធានការសុខាភិបាល

បានផុស

៤ years មុន

នៅ

ថ្ងៃអាទិត្យ ១៩ កញ្ញា ២០២១

ដោយ

ក្រុមក្មេងទំនើងប្រុសស្រី ២៣នាក់ ដែលផឹកស៊ីល្មើសនឹងវិធានសុខាភិបាល និងបង្កឲ្យមានការប៉ះពាល់ដល់សណ្ដាប់ធ្នាប់សាធារណៈ ត្រូវបានកម្លាំងនគរបាល(កម្លាំងអន្តរាគមន៍)ខេត្តកែប ចាប់ឃាត់ខ្លួន កាលពីយប់ថ្ងៃទី១៨ ខែកញ្ញា ឆ្នាំ២០២១ ក្បែរចំណុចទីលម្ហែឆ្នេរកែប ស្ថិតក្នុងរមណីយដ្ឋានខេត្តកែប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងការឃាត់ខ្លួន ក្រុមក្មេងទំនើងប្រុសស្រីខាងលើ ក្រោមការចង្អុលបង្ហាញពី លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប និងកិច្ចសហការរវាងកម្លាំងល្បាតប្រចាំមាត់ឆ្នេរកែប។ ចំពោះក្រុមក្មេងទំនើងទាំង២៣នាក់ខាងលើ ពួកគេជិះម៉ូតូចំនួន៩គ្រឿង ដែលមកពីរាជធានីភ្នំពេញ និងមកពីតាមបណ្តាខេត្តផ្សេងទៀត ដោយក្រុមក្មេងទំនើងទាំងនោះបានប្រមូលផ្តុំគ្នាផឹកស៊ីល្មើសនឹងវិធានការសុខាភិបាល និងបានដុតផាវ បង្កការភ្ញាក់ផ្អើល ធ្វើឲ្យប៉ះពាល់ដល់សណ្តាប់ធ្នាប់សាធារណៈនៅតំបន់ទេសចរណ៍ឆ្នេរកែប។

ក្រោយឃាត់ខ្លួន សមត្ថកិច្ចបាននាំមកកាន់ស្នងការដ្ឋាននគរបាលខេត្ត ដើម្បីអប់រំ ធ្វើកិច្ចសន្យាបញ្ឈប់ការប្រមូលផ្តុំគ្នាផឹកស៊ីតទៅទៀត នឹងហៅអាណាព្យាបាលមកធានាយកទៅអប់រំបន្តនៅផ្ទះផងដែរ៕