ទឹកអាងអន្លង់ជ្រៃ ហក់ឡើងជាង ៣ ម៉ែត្រ អាជ្ញាធរបើកទ្វារទឹក ៣

មន្ទីព័ត៌មានខេត្តកំពង់ឆ្នាំង នៅថ្ងៃទី ២០ ខែកញ្ញានេះ បានឱ្យដឹងថា ស្ថានភាពទឹកភ្លៀង និងជំនន់ទឹកភ្លៀងនៅក្នុងរយៈពេលប៉ុន្មានថ្ងៃកន្លងមកនេះ ផ្ទៃដីទូទាំងស្រុកសាមគ្គីមានជ័យ បានទទួលទឹកភ្លៀងគ្រប់គ្រាន់ ហើយបច្ចុប្បន្នអាងទឹកអន្លង់ជ្រៃ ស្ថិតនៅផ្នែកខាងលើ ក្នុងតំបន់ស្ទឹងក្រាំងពន្លៃ ស្ថានភាពទឹកបានឡើងដល់កម្ពស់ ៣,៣០ ម៉ែត្រ ទ្វារទឹកចំនួន ៣ បានបើក ក្នុងចំណមទ្វារទឹកទាំង ៦។

សូមជំរាបផងដែរថា មន្ទីរធនធានទឹក និងឧតុនិយមខេត្តកំពង់ឆ្នាំង បានសហការនឹងរដ្ឋបាលស្រុកសាមគ្គីមានជ័យ ធ្វើការផ្សព្វផ្សាយដល់ប្រជាពលរដ្ឋដែលរស់នៅតាមដងស្ទឹងក្រាំងពន្លៃ ឱ្យបានជ្រាបជាព័ត៌មាននិងមានលក្ខណៈប្រុងប្រយ័ត្នជាមុន ជៀសវាងពីការកើតហេតុផ្សេងៗ៕