ឃាត់ខ្លួនជនសង្ស័យម្នាក់ ដក​ហូត​ថ្នាំញៀនជាច្រើនកញ្ចប់ នៅ​ទួលគោក

ជនសង្ស័យម្នាក់ត្រូវបានកម្លាំងប៉ុស្តិ៍នគរបាលរដ្ឋបាលផ្សារដេប៉ូទី៣ នៃអធិការដ្ឋាននគរបាលខណ្ឌទួលគោក ធ្វើការឃាត់ខ្លួនបានជាក់ស្តែងពាក់ព័ន្ធប្រព្រឹត្តបទលើ្មស ជួញដូរដោយខុសច្បាប់នូវសារធាតុញៀន ដោយដកហូតបានថ្នាំញៀនចំនួន០៦កញ្ចប់តូច។

ជនសង្ស័យត្រូវបានឃាត់ខ្លួន កាលពីថៃ្ងទី ២១ ខែកញ្ញា ឆាំ្ន២០២១ វេលាម៉ោង ៣ រសៀល នៅចំណុចផ្លូវលេខ១៣២ ក្រុមទី៣៣ ភូមិ១០ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។

បុរសជនសង្ស័យ ឈ្មោះ អាយ សុខហេង ហៅអូន អាយុ២១ឆាំ្ន ស្នាក់នៅចំណុះដីឡូលេខ១ ផ្លូវរថភ្លើង សង្កាត់បឹងកក់ទី២ ខណ្ឌទួលគោក រាជធានីភ្នំពេញ។

សមត្ថកិច្ចដកហូតបានក្រាមពណ៌សថ្លា (សង្ស័យជាគ្រឿងញៀន) ចំនួន០៦កញ្ចប់តូចនិងទូរសព្ទ័០១គ្រឿងម៉ាក់LG​ពណ៍ស។

បច្ចុប្បន្នជនសង្ស័យកំពុងធ្វើការឃាត់ខ្លួនជាបណ្តោះអាសន្ន នៅអធិការដ្ឋាននគរបាលខណ្ឌទួលគោក ដើម្បីធើ្វការសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់៕

អត្ថបទៈ ស្រីរ័ត្ន