យកសំណាកលើបុគ្គលិកក្រុមហ៊ុន Camintel Telecom Service Providerរកឃើញវិជ្ជមាន២នាក់

ក្នុងចំណោមបុគ្គលិកក្រុមហ៊ុន Camintel Telecom Service Provider ចំនួន៨៧នាក់ ( ស្រី ២១នាក់ ) រកឃើញអ្នកវិជ្ជមាន២នាក់ ដែលជាប់ពាក់ព័ន្ធជាមួយអ្នកជំងឺកូវីដបំប្លែងខ្លួនថ្មី។

​អាជ្ញាធរ​ខណ្ឌដូនពេញ​ បាន​ចុះ​សម្របសម្រួល​យ៉ាង​រលូន ​ដើម្បី​ឲ្យ​ក្រុមគ្រូពេទ្យ​ចុះ​យក​សំណាក​នឹង​តេស្ត​រហ័ស​លើក​ទី១​ ទៅលើ​បុគ្គលិក​ក្រុមហ៊ុន Camintel Telecom Service Provider​ ដែល ពាក់ព័ន្ធ​នឹង​អ្នកជំងឺ​ប្រភេទ Delta​។​

​ជាក់ស្តែងកាលពី​ថ្ងៃទី​២១ ខែកញ្ញា ឆ្នាំ​២០២១​នេះ​ លោក ម៉ុក ច័ន្ទ​ករុណា អភិបាលរង នៃ​គណៈ​អភិបាលខណ្ឌ​ដូនពេញ បាន​ដឹកនាំ​ក្រុមការងារ​ចម្រុះ​ខណ្ឌ ចុះ​សម្របសម្រួល​ជូន​ក្រុមគ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ TYDA យក​សំណាក ( Rapid Test និង PCR ) លើក​ទី​១ ជូន​បុគ្គលិក​ក្រុមហ៊ុន Camintel Telecom Service Provider ពាក់ព័ន្ធ​នឹង​អ្នកជំងឺ​ប្រភេទ Delta ចំនួន​៨៧​នាក់ ( ស្រី ២១​នាក់ ) ស្ថិតនៅ​វិថី​ព្រះ​ស៊ីសុវត្ថិ ភូមិ​១២ សង្កាត់​ស្រះចក ខណ្ឌដូនពេញ រាជធានី​ភ្នំពេញ ។​

​ជា​លទ្ធផល​មាន​អ្នក​វិជ្ជមាន​ចំនួន ០២​នាក់​បញ្ជូន​ទៅ​ព្យាបាល​។ រដ្ឋបាល​ខណ្ឌដូនពេញ​បានសម្រេច​បិទ​ខ្ទប់​ទីតាំង​នោះ​ជា​បណ្តោះអាសន្ន​ផងដែរ​៕

អត្ថបទ៖ ​រស្មី​