ព័ត៌មានជាតិ

រដ្ឋបាលក្រុងបាត់ដំបង ចុះបិទទីតាំងធនាគារ កម្ពុជាពាណិជ្ជ បន្ទាប់ពីរកឃើញបុគ្គលិកឆ្លងកូវីដ

បានផុស

៣ years មុន

នៅ

ថ្ងៃពុធ ២២ កញ្ញា ២០២១

ដោយ

រដ្ឋបាលក្រុងបាត់ដំបង ដឹកនាំដោយលោក ផេង សិទ្ធី អភិបាលក្រុង បានចុះបិទទីតាំង ធនាគារ កម្ពុជាពាណិជ្ជ ស្ថិតក្នុងភូមិ២០ឧសភា សង្កាត់ស្វាយប៉ោ ក្រុងបាត់ដំបង កាលពីរសៀលថ្ងៃទី ២១ ខែកញ្ញា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលក្រុង ផេង សិទ្ធី បានមានប្រសាសន៍ថា ការចុះបិទជាបន្ទាន់នេះ ដោយសារតែក្រុមការងារ នៃមន្ទីរសុខាភិបាល បានរកឃើញវិជ្ជមានកូវីដ-១៩ នៅលើបុគ្គលិករបស់ធនាគារម្នាក់ ហើយក៏បានបញ្ជូនទៅព្យាបាលនៅមន្ទីរពេទ្យបង្អែកខេត្តហើយ ដោយឡែកសម្រាប់បុគ្គលិកពាក់ព័ន្ធផ្ទាល់ ឬប្រយោល លោកអនុញ្ញាតឲ្យធ្វើចត្តាឡីស័ក នៅក្នុងធនាគារនេះតែម្តង ព្រោះទីតាំងនេះមានបន្ទប់ស្នាក់ និងមានបន្ទប់ទឹកត្រឹមត្រូវ។

ជាចុងក្រោយ លោកក៏បានអំពាវនាវដល់ប្រជាពលរដ្ឋទាំងអស់ ដែលបានចូលទៅប្រាស្រ័យ ទាក់ការងារនៅក្នុងធនាគារ កម្ពុជាពាណិជ្ជ កាលពីថ្ងៃទី១៨- ១៩ និងទី២០ ប្រសិនជាមានការសង្ស័យ ឬមិនស្រួលខ្លួន សូមអញ្ជើញទៅឲ្យក្រុមគ្រូពេទ្យពិនិត្យសំណាកដោយឥតគិតថ្លៃ នៅវិទ្យាល័យសម្តេចឪ ឬក៏អនុវិទ្យាល័យព្រះមុនីវង្សក៏បាន ដែលមានទីតាំងក្នុងសង្កាត់ស្វាយប៉ោ ក្រុងបាត់ដំបង ដើម្បីទប់ស្កាត់ការរីករាលដាលនូវជំងឺកូវីដ១៩ ក្នុងសហគមន៍ ៕

អត្ថបទ៖ សោ និយមរ័ត្ន