ព័ត៌មានជាតិ
ក្រសួងអប់រំ និងស.ស.យ.ក រួមគ្នាប្រកាសដាក់ឱ្យដំណើរការ«កម្មវិធីស្វ័យសិក្សា»ជាផ្លូវការ
ក្រសួងអប់រំយុវជននិងកីឡា និងសហភាពសហព័ន្ធយុវជនកម្ពុជាស.ស.យ.ក បានរួមគ្នាប្រកាសដាក់ឱ្យដំណើរការជាផ្លូវការ«កម្មវិធីស្វ័យសិក្សា»ជាផ្លូវការបន្ទាប់ពីធ្វើការសាកល្បងរយៈពេល៥ខែរួចមក។
ពិធីប្រកាសនេះ បានធ្វើឡើងនៅព្រឹកថ្ងៃទី២៣ ខែកញ្ញា ឆ្នាំ២០២១ នៅវិទ្យាល័យព្រះស៊ីសុវត្តិ ក្រោមអធិបតីភាព លោកបណ្ឌិត សភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំយុវជននិងកីឡា និង លោក ហ៊ុន ម៉ានី ប្រធានគណៈកម្មការអប់រំយុវជនកីឡា កិច្ចការសាសនា វប្បធម៌ និងទេសចរណ៍នៃរដ្ឋសភា និងជាប្រធានសហភាពសហព័ន្ធយុវជនកម្ពុជា។
លោកបណ្ឌិតសភាចារ្យ ហង់ជួន ណារ៉ុន បានថ្លៃងអំណរគុណដល់សហភាពសហព័ន្ធយុវជនកម្ពុជាដែលមានលោក ហ៊ុន ម៉ានី ជាអ្នកដឹកនាំបានបង្កើតកម្មវិធីសិក្សាបែបអេឡេចត្រូនិចនេះឡើង ដើម្បីផ្តល់ឱកាសកាន់តែច្រើនថែមទៀតដល់សិស្សក្នុងការធ្វើស្វ័យសិក្សាក៏ដូចជាផ្តល់ឱកាសដល់លោកគ្រូអ្នកគ្រូយកកម្មវិធីសិក្សាទាំងនោះក្នុងការបន្តជួយបង្រៀនសិស្សផងដែរ។
លោករដ្ឋមន្ត្រីបានលើកឡើងថា នៅក្នុងរយៈពេល៥ខែនេះ មានអ្នកចុះឈ្មោះចូលរៀនមានប្រមាណ២៤ម៉ឺននាក់ និងមានអ្នកប្រើប្រាស់ប្រមាណ២លាននាក់ហើយគិតជាមធ្យមក្នុង១ថ្ងៃមានអ្នកប្រើប្រាស់ប្រមាណ៧០០០នាក់។
លោករដ្ឋមន្ត្រីបានចាត់ទុកកម្មវិធីសិក្សានេះ ជាការបង្កើននូវកម្មវិធីបន្ថែមពីលើកម្មវិធីសិក្សាបែបអេឡេត្រូនិចដែលក្រសួងបានបង្កើតឡើង និងបានដាក់ឱ្យប្រើប្រាស់ដែលជាការរួមចំណែកធ្វើឱ្យធនធានការសិក្សាកាន់តែសម្បូរបែបសិស្សកាន់តែមានឱកាសក្នុងការប្រើប្រាស់ក្នុងការយកទៅពង្រឹងចំណេះដឹងក៏ដូចជាត្រៀមខ្លួនដើម្បីប្រឡងសញ្ញាបត្រក៏ដូចជាផ្តល់ឱកាសដល់អ្នកគ្រូលោកគ្រូបង្កើននូវបំណិនវិជ្ជាជីវៈក្នុងការបង្រៀនថែមទៀតក្នុងសម័យការរាតត្បាតនៃជំងឺកូវីដ១៩។
លោករដ្ឋមន្ត្រីបានបន្តទៀតថា «យើបានវាយតម្លៃងាពីរឆ្នាំនៃកូវីដបានវាយលុកនៅកម្ពុជា ក៏ដូចជានៅពិភពលោកយើងក៏បានយកឱកាសនេះប្រែក្លាយវិបត្តិកូវីដនេះទៅជាឱកាសការអប់រំបែបឌីជីថលហើយក៏ចូលរួមចំណែកក្នុងការលើកកម្ពស់បំណិនសតវត្សទី២១ ដែលជាបំណិនមួយយ៉ាងសំខាន់ហើយអ្នកគ្រូលោកគ្រូបានខិតខំប្រឹងប្រែងពង្រឹងសមត្ថភាពខាងផ្នែកឌីជីថលនេះហើយបានវាយតម្លៃថា កម្ពុជាបានដើរទៅមុខ១០ឆ្នាំក្នុងការអនុវត្តបំណិនឌីជីថលនេះ»។
លោករដ្ឋមន្ត្រីបានបន្ថែមថា ជាទិសដៅក្រសួងអប់រំបានដាក់ចេញថានឹងបន្តការធ្វើវិនិយោគការអប់រំតាមបែបឌីជីថល និងការបំពាក់សាលារៀននូវកុំព្យូទ័រនិងលើកចិត្តឱ្យសិស្សមានការប្រើប្រាស់អេបទាំងទូរទស្សន៍ទាំងឯកសារដើម្បីអនុវត្តការអប់រំតាមបែនចម្រុះនេះ។
លោក ហ៊ុន ម៉ានី ប្រធានគណៈកម្មការអប់រំ យុវជនកីឡា កិច្ចការសាសនា វប្បធម៌និងទេសចរណ៍នៃរដ្ឋសភា និងជាប្រធានសហភាពសហព័ន្ធយុវជនកម្ពុជាបានមានប្រសាសន៍ថា ការបង្កើត អេប«Moeys E.Learning» គឺជាការចូលរួមចំណែកមួយក្រសួងអប់រំយុវជននិងកីឡាក្នុងការឱ្យសិស្សានុសិស្សយើងបានស្វ័យសិក្សាដោយខ្លួនឯងក្នុងអំឡុងពេលដែលកម្ពុជាមានការរាតត្បាតជំងឺកូវីដ១៩ដែលធ្វើឱ្យសាលារៀនត្រូវផ្អាកការសិក្សាតម្រូវឱ្យសិស្សរៀនតាមអនឡាញនិងយកសន្លឹកកិច្ចការសាលាទៅធ្វើនៅតាមផ្ទះ។
លោកបានបន្តថា អេប «Moeys E.Learning»អាចឱ្យអ្នកសិក្សាងាយស្រួលចំណាយថវិកាតិចតួចបំផុតដោយគ្រាន់តែដោនឡូតតែមួយដងអាចមើលបានរហូតដោយមិនចាំបាច់ប្រើអ៊ិនធើណែតទៀតទេហើយអ្វីដែលកាន់តែពិសេសទៀតនោះ គឺគ្រួសារដែលមានទូរស័ព្ទដៃមួយគ្រឿងតែមានកូនចៅរៀនថ្នាក់ខុសគ្នាក៏អាចដោនឡូតទៅតាមថ្នាក់នីមួយៗបានដែរព្រោះទូរស័ព្ទមួយអាចបង្កើតគណនីចំនួន៥ដោយអាចចែកវេនគ្នារៀនបាន។
យ៉ាងណាក៏ដោយ លោក ហ៊ុន ម៉ានី បានលើកឡើងថា «ការបង្កើតអេបនេះ គឺសម្រាប់ប្រជាពលរដ្ឋលោកគ្រូអ្នកគ្រូទាំងអស់គ្នាសិស្សានុសិសស្សទាំងអស់មិនមែនសម្រាប់តែសហភាពសហព័ន្ធយុវជនកម្ពុជានោះទេ គឺសូម្បីតែសិស្សានុសិស្សចូលរួមចុះឈ្មោះប្រើឱ្យបានច្រើននោះ ពួកយើងខ្ញុំដែលជាអ្នកបង្កើតអេបនេះសប្បាយចិត្ត»។
ជាមួយគ្នានេះដែរ លោក ហ៊ុន ម៉ានី នឹងខិតខំធ្វើការសហការជាមួយក្រសួងអប់រំយុវជននិងកីឡាដើម្បីបង្កើតកម្មវិធីថ្មីៗបន្ថែមទៀតដើម្បីលើកកម្ពស់វិស័យអប់រំនៅប្រទេសកម្ពុជាឱ្យកាន់តែរីកចំរើនស្របទៅតាមបច្ចេកវិទ្យា៤ចុចសូន្យ៕
អត្ថបទ៖ សំអឿន
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី