ព័ត៌មានជាតិ

ទម្លាយព័ត៌មាន គ្រោងចុះយកសំណាកព្រះសង្ឃតាមបណ្តាវត្ត នៅរាជធានីភ្នំពេញ

បានផុស

៣ years មុន

នៅ

ថ្ងៃសុក្រ ២៤ កញ្ញា ២០២១

ដោយ

ក្រុមគ្រូពេទ្យសម្តេចតេជោ បានបែងចែកក្រុមការងារដើម្បីយកសំណាកព្រះសង្ឃ ដូនជី តាអាចារ្យនិងពលរដ្ឋដែលគង់និងស្នាក់នៅតាមបណ្តាវត្តនៅរាជធានីភ្នំពេញ។ នេះបើតាមឯកសារមួយទម្លាយឲ្យដឹង។

ការចុះយកសំណាកតាមវត្តនៅរាជធានីភ្នំពេញ ក្រោយមានការផ្ទុះកូវីដពាក់ព័ន្ធព្រះសង្ឃ និងពុទ្ធបរិស័ទរាប់សិបនាក់នៅវត្តជំពុះក្អែកកាលពីម្សិលមិញនេះ។

ព្រះសង្ឃនិងពុទ្ធបរិស័ទចំនួន ៤៥ អង្គ/នាក់ នៅវត្តចំពុះក្អែក រកឃើញវិជ្ជមានកូវីដ១៩ ខណៈអាជ្ញាធរតម្រូវឱ្យបិទវត្តទាំងស្រុងនៅថ្ងៃទី ២៣ ខែកញ្ញា ឆ្នាំ ២០២១នេះ។

រាជរដ្ឋាភិបាលកម្ពុជា នៅយប់ថ្ងៃទី២៣ ខែកញ្ញា ឆ្នាំ២០២១ ក៏បានចេញសេចក្តីសម្រេចជាផ្លូវការ ឲ្យផ្អាករៀបចំពិធីបុណ្យកាន់បិណ្ឌនិងភ្ជុំបិណ្ឌ ចាប់ពីបិណ្ឌ៤ រហូតដល់ថ្ងៃភ្ជុំបិណ្ឌ ដើម្បីបង្ការនិងទប់ស្កាត់ជំងឺកូវីដ១៩ ដែលកំពុងរីករាលដាល។ ក្នុងសេចក្តីប្រកាសបានណែនាំដល់គណៈអភិបាលរាជធានី-ខេត្ត ត្រូវធ្វើការសម្របសម្រួលជាមួយយន្តការដែលមានការពាក់ព័ន្ធទាំងអស់ ដើម្បីធានាដល់ការនាំយកចង្ហាន់ និងទេយ្យវត្ថុចាំបាច់នានា ប្រគេនដល់ព្រះសង្ឃនៅតាមបណ្តាវត្តអារាមនានា ដែលស្ថិតក្នុងសមត្ថកិច្ចដែនដីរបស់ខ្លួន៕