រកឃើញពុទ្ធបរិស័ទម្នាក់ នៅវត្តកំសាន្ត វិជ្ជមានកូវីដ១៩

ក្រុមគ្រូពេទ្យស្ម័គ្រចិត្តសម្ដេចតេជោ ហ៊ុន សែន នៅព្រឹកថ្ងៃទី ២៤ ខែកញ្ញានេះ បានចុះយកសំណាកព្រះសង្ឃ និងគណៈកម្មការនៅតាមបណ្ដាវត្តក្នុងខណ្ឌច្បារអំៅ រាជធានីភ្នំពេញ ក្នុងប្រតិបត្តិការព្រឹកនេះ រកឃើញពុទ្ធបរិស័ទម្នាក់ មានវិជ្ជមានជំងឺកូវីដ១៩។

លោក ណុប ផា អភិបាលរងខណ្ឌច្បារអំពៅបានប្រាប់កម្ពុជាថ្មីថា ក្នុងរយះពេលពេញមួយព្រឹកនេះគឺលទ្ធផលយកសំណាកដល់ព្រះសង្ឃ និងគណៈកម្មការអាចារ្យវត្ត បានវត្តចំនួន៤ ក្នុងចំណោមវត្ត២៤ ក្នុងខណ្ឌច្បារអំពៅ។

លទ្ធផលគឺរកឃើញពុទ្ធបរិសទ្ធ័ម្នាក់នៅវត្តកំសាន្ត មានវិជ្ជមានកូវីដ១៩ ខណៈព្រះសង្ឃពុំទាន់មាននៅឡើយដោយរងចាំពិនិត្យនាពេលរសៀលថ្ងៃដដែល និងបន្តយកសំណាកដល់វត្តចំនួន២០បន្ថែមទៀត។

លោកអភិបាលរងខណ្ឌបានបញ្ជាក់ថានៅរសៀលនេះគឺលទ្ធផលនៃការចុះយកសំណាកនិងបានដឹង៕

អត្ថបទៈ នរា