ព័ត៌មានជាតិ

អាជ្ញាធរខណ្ឌដង្កោ ដាក់ម៉ាស៊ីនបូមរំដោះទឹកជំនន់ក្នុងភូមិសំបួរ សង្កាត់ដង្កោ

បានផុស

៤ years មុន

នៅ

ថ្ងៃសុក្រ ២៤ កញ្ញា ២០២១

ដោយ

អាជ្ញាធរខណ្ឌដង្កោសហការជាមួយជំនាញមន្ទីរសាធារណការ និងដឹកជញ្ជូន រាជធានីភ្នំពេញ ដាក់ម៉ាស៊ីនបូមទឹក និងរថយន្តមូមលូដើម្បីបូមស្តារលូរំដោះទឹកជន់លិចលំនៅឋានជូនបងប្អូនប្រជាពលរដ្ឋរស់នៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ នាព្រឹកថ្ងៃទី២៤ ខែកញ្ញា ឆ្នាំ២០២១ ។

នៅពេលដែលឃើញសកម្មភាពនេះ ប្រជាពលរដ្ឋសូមថ្លែងការកោតសរសើរ និងសប្បាយចិត្តយ៉ាងខ្លាំងចំពោះអាជ្ញាធរ ដែលបានចុះជួយដោះស្រាយភ្លាមៗជូនពួកគាត់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការពីបញ្ជាក់ពីប្រជាពលរដ្ឋរស់នៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញប្រាប់អោយដឹងកាលពីថ្ងៃទី២៣ ខែកញ្ញា ឆ្នាំ២០២១ ថា នៅតំបន់ភូមិរស់នៅរបស់ពួកគាត់ ជារៀងរាល់រដូវវស្សាតែមានទឹកជន់លិចជាប់ប្រចាំ ដោយសារតែពុំទាន់មានប្រព័ន្ធលូប្រើប្រាស់ត្រឹមត្រូវ ហើយការជន់លិចនេះ គឺមានរយៈពេលរាប់ឆ្នាំមកហើយ។

ដោយជួបបញ្ហាទាំងនេះប្រជាពលរដ្ឋដែលរស់នៅក្នុងភូមិសំបួរ សង្កាត់ដង្កោ ខណ្ឌដង្កោ ទាំងអស់ សូមសំណូមពរយ៉ាងទទូចទៅដល់អាជ្ញាធរខណ្ឌដង្កោ ជាពិសេសលោកអភិបាលរាជធានីភ្នំពេញក៏ដូចជាជំនាញពាក់ព័ន្ធមេត្តាជួយដោះស្រាយនូវទុក្ខកង្វល់របស់ពួកគាត់ទាំងអស់គ្នាផង ៕

អត្ថបទ៖ រ៉ាវុទ្ធ