ព័ត៌មានជាតិ
រដ្ឋបាលជលផល ផាត់សណ្តាយ បង្ក្រាបបទល្មើសនេសាទក្នុងផ្ទៃបឹងទន្លេសាបខុសច្បាប់
ប្រជាពលរដ្ឋអបអរសាទរលោក យ៉ាន់ វីសាក់ នាយផ្នែករដ្ឋបាលជលផលផាត់សណ្តាយ បានដឹកនាំ កម្លាំងបង្ក្រាបបទល្មើសនេសាទដែលមានការប្រើប្រាស់ឧបករណ៍នេសាទខុសច្បាប់ក្នុងរដូវបិទ នេសាទ នៅក្នុងផ្ទៃបឹងទន្លេសាប ថ្ងៃទី២៣ ខែកញ្ញា ឆ្នាំ២០២១។

ចំពោះសកម្មភាពបង្ក្រាបបទល្មើសនេសាទដែលដឹកនាំកម្លាំងចម្រុះដោយលោក យ៉ាន់ វីសាក់ នាយផ្នែក (ហៅសែ) ត្រូវបានបង្ក្រាបចំពោះបទល្មើសនេសាទខុសច្បាប់ស្ថិតនៅចំណុចដងទង់ រហូតដល់ កោះតាប៉រ បានឧបករណ៍នេសាទខុសច្បាប់៧ របាំង ស្មើរ ២១០០ម ឡុកសាច់អួន១៤ឡុក លូស្បៃមុង២០ បង្គោល ១០០០ដើម និងព្រលែងកូនត្រីចម្រុះ២០គីឡូក្រាម ចំពោះវត្ថុតាងដែលសមត្ថកិច្ច ដកហូតយកបានពីបទល្មើសត្រូវបានវះកាត់កំទេចចោលនៅនឹងកន្លែង។

លោក ប៉ែន វណ្ណរិទ្ធ ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ធំ បានឲ្យដឹងថា ចំពោះ បទល្មើសនេសាទខុសច្បាប់មិនថាក្នុងរដូវបិទនេសាទ ឬក៏រដូវបើកនេសាទនោះឡើយ គឺតែងតែ ណែនាំឲ្យនាយផ្នែក នាយសង្កាត់រដ្ឋបាលជលផល ធ្វើការបង្ក្រាបជាប្រចាំដោយទុកឲ្យបទល្មើសបន្តកើនឡើងជាដាច់ខាត។
លោកប្រធានមន្ទីរកសិកម្មបានបញ្ជាក់ថា ចំពោះបទល្មើសនេសាទត្រូវបានយកចិត្តទុកដាក់ពីឯកឧត្តមរដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ និងឯកឧត្តមប្រតិភូរាជរដ្ឋាភិបាលទទួល បន្ទុកជលផល និងឯកឧត្តម សុខ លូ អភិបាលខេត្តកំពង់ធំ តែងតែឲ្យមន្ត្រីជលផលក្រោមឪវាទធ្វើ ការផ្សព្វផ្សាយច្បាប់ជលផលដល់សហគមន៍ និងប្រជាពលរដ្ឋឲ្យបានទូលំទូលាយ ដើម្បីរួមគ្នាកាត់ បន្ថយការប្រើប្រាស់ឧបករណ៍ខុសច្បាប់។

មហាជនដែលឃ្លាំមើលសកម្មភាពបទល្មើសនេសាទ បានកោតសរសើរ និងលើកទឹកចិត្តឲ្យលោក នាយផ្នែក ផាត់សណ្តាយ បន្តដឹកនាំបង្ក្រាបបន្ថែមចំពោះបទល្មើសនេសាទដែលកំពុងតែលបលួចប្រើប្រាស់ឧបករណ៍នេសាទខុសច្បាប់ដើម្បីថែរក្សាធនធានមច្ឆាជាតិក្នុងរដូវត្រីពងកូន៕
អត្ថបទ៖ ប៊ុន រដ្ឋា



-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?