ព័ត៌មានជាតិ

ករណីប្រចណ្ឌ ប្តីចាក់សម្លាប់ប្រពន្ធ រួចចាក់សម្លាប់ខ្លួនឯងតាមក្រោយ

បានផុស

៣ years មុន

នៅ

ថ្ងៃសៅរ៍ ២៥ កញ្ញា ២០២១

ដោយ

ករណីហិង្សាក្នុងគ្រួសារ បានកើតឡើងបណ្តាលឲ្យមនុស្សពីរនាក់ប្តីប្រពន្ធ បានស្លាប់ភ្លាមៗ។ ហេតុការណ៍នេះ បានកើតឡើងក្នុងអំឡុងម៉ោង២រំលងអធ្រាត្រឈានចូលថ្ងៃទី២៥ ខែកញ្ញា នៅភូមិត្នោតជ្រុំ សង្កាត់បឹងទំពុន២ ខណ្ឌមានជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពប្តីដែលជាជនដៃដល់ឈ្មោះ ឡោម សុធាវី អាយុ៥៩ឆ្នាំ ជាយោធិនពិការជើងម្ខាង។ដោយឡែកប្រពន្ធឈ្មោះ អាង ស៊ីធូ អាយុ ៥២ឆ្នាំ។ តាមប្រភពពីកូនស្រីបង្កើតរបស់ជនរងគ្រោះបានឲ្យដឹងថា នៅម៉ោង២រំលងអធ្រាត្រថ្ងៃទី២៥ខែកញ្ញានេះ ប្អូនស្រីបានឮសូរសម្លេងម្តាយស្រែកឲ្យជួយ លុះដល់ប្អូនរត់ទៅមើលម្តាយឃើញហូរឈាមចេញតាមបំពង់កហើយបាត់មាត់ឈឹង។ ចំណែកឪពុកបានយកកាំបិតចិតបន្លែដងពណ៌លឿង ចាក់បំពង់ករបស់គាត់ បណ្តាលឲ្យស្លាប់ទាំងពីរនាក់តែម្តង។

ប្អូនស្រីជាកូន បានបញ្ជាក់ថា ពួកគាត់ទាំងពីរពុំដែលមានជម្លោះនឹងគ្នានោះទេ។ ចំណែកឪពុកក៏ជាមនុស្សស្លូតបូត តែពុំដឹងជាគាត់មានការប្រចណ្ឌទៅលើប្រពន្ធរបស់គាត់(ម្តាយ)ពីពេលណាមកទេទើបបង្កជាអំពើហិង្សាចាក់សម្លាប់គ្នាបែបនេះ។ អ្វីដែលគួរឲ្យអាណិតនោះ គឺកូនៗស្ថិតក្នុងឯកោកំព្រាឪពុកម្តាយ ដោយមិនអស់ចិត្ត៕

អត្ថបទ៖ នរា