រកឃើញវិជ្ជមានកូវីដចំនួន៧១ អង្គ\នាក់ នៅវត្តពោធិលង្កា ក្រុងសៀមរាប​

លោក ហាយ យ៉ុង​ ប្រធានការិយាល័យ​ក្រុងសៀមរាប​ បាន​ប្រាប​កម្ពុ​ជាថ្មី​ នៅ​រសៀលថ្ងៃទី​២៧ ខែកញ្ញា ឆ្នាំ ២០២១​នេះ ក្រុមគ្រូពេទ្យ​រដ្ឋបាលខេត្ត​សៀមរាប បាន​ចុះ​ធ្វើតេស្តយក​សំណាក​ព្រះសង្ឃ​នៅ​វត្ត​ពោធិលង្កា ដែលមាន​ចំនួន១៥១​អង្គ\នាក់ ក្នុងនោះ​ក្រុមគ្រូពេទ្យ​អាវ​សរ របស់​បាល​ខេត្ត​បានរកឃើញ​វិជ្ជមាន​ចំនួន៧១ អ​ង្គ\នាក់ ក្នុង​ចំ​ណោម ទាំង​១៥១ អ​ង្គ\នាក់ ហើយក្នុងចំណោម៧១​អ​ង្គ\នាក់ មាន ភិក្ខុសាមណេរចំនួន៥៥ អ​ង្គ\នាក់ យាយជី៣​រូប ព្យាបាល​នៅក្រៅ​វត្ត​១​រូប តាជី​១​រូប និង​សិស្ស​លោក​១៣​រូប ។​

លោក​បាន​បន្តទៀតថា ព្រះសង្ឃ រួម​នឹង​យាយជី តាជី និង​សិស្ស​លោកទាំង៧១ អ​ង្គ\នាក់ បាន​ឲ្យ​ព្យាបាល​នៅ​នឹង​វត្តពោធិ​លង្កា ដោយ​គ្រូពេទ្យអ្នកមើលថែ​ព្យាបាល៕​

អត្ថបទ៖ គឿន​វេត​