ព័ត៌មានជាតិ

រកឃើញព្រះសង្ឃ និងអាជីវករ ៣៥ នាក់បន្ថែមទៀត ដែលមានវិជ្ជមាន ក្នុងស្រុកបវេល

បានផុស

៣ years មុន

នៅ

ថ្ងៃពុធ ២៩ កញ្ញា ២០២១

ដោយ

ថ្មីៗនេះរដ្ឋបាលស្រុកបវេល បានប្រកាសព័ត៌មានបន្ថែម ស្តីពីការរកឃើញវិជ្ជមានទៅលើព្រះសង្ឃ និងប្រជាពលរដ្ឋ ដែលជាអាជីវករលក់ដូរក្នុងផ្សារខ្នាចរមាស មានចំនួន ៣៥ អង្គ នាក់ទៀត បន្ទាប់ពីបានរកឃើញវិជ្ជមាន ១០០ អង្គ នាក់ កាលពីពេលថ្មីៗកន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីប្រកាសព័ត៌មានរបស់រដ្ឋបាល ស្រុកបវេល សូមជម្រាបជូនដំណឹងដល់បងប្អូនប្រជាពលរដ្ឋ និងសាធារណជនទាំងអស់ឱ្យបានជ្រាបថា៖ ថ្ងៃទី២៨ ខែកញ្ញា ឆ្នាំ២០២១ ស្រុកបវេល បានរកឃើញអ្នកវិជ្ជមានកូវីដ-១៩ ចំនួន៣៥អង្គ/នាក់ បន្ថែមទៀត ក្នុងនោះ ស្រី១០នាក់ ក្នុងចំណោមអ្នកមកយកសំណាកចំនួន១៦២អង្គ/នាក់ ស្រី៤៣នាក់ ក្នុងនោះ គឺព្រះសង្ឃចំនួន ១០ អង្គ នៅវត្តបវេល និង ប្រជាពលរដ្ឋ ២៥ នាក់ ក្រោយពីរដ្ឋបាលស្រុកបវេល បានសម្រេចធ្វើការបិទខ្ទប់ សាលាអនុវិទ្យាល័យ ខ្នាចរមាសវត្តខ្នាចរមាស និងផ្សារខ្នាចរមាស រួចមក ។

រដ្ឋបាលស្រុកក៏បាន អំពាវនាវដល់បងប្អូនប្រជាពលរដ្ឋដែលមានការពាក់ព័ន្ធ ប៉ះពាល់ផ្ទាល់ ឬប្រយោល សូមទៅពិនិត្យសុខភាព និងយកសំណាក នៅមណ្ឌលចត្តាឡីស័ក(អនុវិទ្យាល័យបវេលសាមគ្គី) ដោយឥតគិតលុយ ដើម្បីចូលរួមទប់ស្កាត់ការរីករាលដាល នូវជំងឺកូវីដ-១៩ កាន់តែខ្លាំងឡើងនៅក្នុងសហគមន៍៕