ព័ត៌មានជាតិ

បញ្ចេញកញ្ចប់ថវិកាជាតិប្រមាណ៤១០.៧៧លានដុល្លារ ដើម្បីជួយជនងាយរងគ្រោះដោយជំងឺកូវីដ-១៩ ប្រមាណជា៧០ម៉ឺនគ្រួសារ

បានផុស

៣ years មុន

នៅ

ថ្ងៃពុធ ២៩ កញ្ញា ២០២១

ដោយ

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា រាជរដ្ឋាភិបាលកម្ពុជាដែលមានសម្តេចតេជោហ៊ុន សែន នាយករដ្ឋមន្ត្រីនៃរាជរដ្ឋាភិបាលកម្ពុជាបានសម្រេចបញ្ចេញកញ្ចប់ថវិកាជាតិប្រមាណ៤១០.៧៧លានដុល្លារ ដើម្បីជួយដល់ប្រជាពលរដ្ឋមានជីវភាពក្រីក្រ និងងាយរងគ្រោះក្នុងកំឡុងពេលប្រយុទ្ធនឹងជំងឺកូវីដ-១៩ ប្រមាណជា៧០ម៉ឺនគ្រួសារនៅទូទាំងប្រទេស ដែលរហូតមកដល់ពេលនេះការអនុវត្ត គឺបានរយ:ពេល១៤លើករួចមកហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈួរ សុបញ្ញា បានថ្លែងបែបនេះខណៈពេលចុះតាមដានស្រាវជ្រាវចំពោះព័ត៌មានមិនប្រក្រតីរបស់ភ្នាក់ងារបើកផ្តល់សម្រាប់កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងកំឡុងពេលប្រយុទ្ធនឹងជំងឺកូវីដ-១៩ រសៀលថ្ងៃអង្គារ ៧រោច ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៨ ខែកញ្ញា ឆ្នាំ២០២១ ។

ក្នុងការចុះស្រាវជ្រាវនេះ ក្រុមការងារចម្រុះអន្តរក្រសួងសម្រាប់ការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងកំឡុងពេលប្រយុទ្ធនឹងជំងឺកូវីដ-១៩ បានចុះតាមដាន និងស្រាវជ្រាវចំពោះព័ត៌មានភាពមិនប្រក្រតីរបស់ភ្នាក់ងារបើកផ្តល់សម្រាប់កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងកំឡុងពេលប្រយុទ្ធនឹងជំងឺកូវីដ-១៩ នៅឃុំខ្លែង ស្រុកសណ្តាន ខេត្តកំពង់ធំ ក្នុងនោះមានការចូលរួមពីលោក ញឹក បានខេង អភិបាលរងខេត្តកំពង់ធំ លោកអភិបាលស្រុកស្ទោង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត ក្រុមប្រឹក្សាឃុំ និងភ្នាក់ងារបើកផ្តល់នៃខេត្តកំពង់ធំផ្ទាល់ ។

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងបន្តថា រាជរដ្ឋាភិបាលកម្ពុជាបានសម្រេចបញ្ចេញកញ្ចប់ថវិកាជាតិ ប្រមាណ៤១០.៧៧លានដុល្លារ ដើម្បីជួយដល់ប្រជាពលរដ្ឋមានជីវភាពក្រីក្រ និងងាយរងគ្រោះក្នុងកំឡុងពេលប្រយុទ្ធនឹងជំងឺកូវីដ-១៩ ប្រមាណជា៧០ម៉ឺនគ្រួសារនៅទូទាំងប្រទេស ដែលរហូតមកដល់ពេលនេះ ការអនុវត្តគឺបានរយ:ពេល១៤លើករួចមកហើយ ដោយរលូន៕

អត្ថបទ៖ វិមាន