ព័ត៌មានជាតិ

ចាប់ខ្លួនគ្រូបង្រៀនម្នាក់រឿងប្រើហិង្សាវាយសិស្ស

បានផុស

៣ years មុន

នៅ

ថ្ងៃពុធ ២៩ កញ្ញា ២០២១

ដោយ

ភ្នំពេញ ៖ គ្រូបង្រៀនម្នាក់ ត្រូវបាននគរបាលការិយាល័យព្រហ្មទណ្ឌកម្រិតស្រាលរាជធានីចាប់ខ្លួនបញ្ជូនឡើងតុលាការពាក់ព័ន្ធប្រើអំពើហិង្សាវាយសិស្សបណ្ដាលអោយរងរបួស។

ជនជាប់ចោទដែលត្រូវចាប់ខ្លួនឈ្មោះ ញ៉ាញ់ ឌីកាណូ ភេទប្រុស អាយុ៥៥ឆ្នាំ ជាគ្រូបង្រៀននៅអនុវិទ្យាល័យ ទួលវណ្ណារាម មានទីលំនៅ ផ្ទះលេខ១៨៨ ភូមិគោកឃ្លាង សង្កាត់គោកឃ្លាង ខណ្ឌសែនសុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានបញ្ជាក់ថា ការចាប់ខ្លះលោក ញ៉ាញ់ ឌីកាណូ គឺអនុវត្តតាមដីកាបង្គាប់អោយចាប់ខ្លួនចុះថ្ងៃទី ៣១ឧសភា ឆ្នាំ២០២១ ចេញដោយលោក សម ប៊ុនពៅ ជាចៅក្រមតុលាការ ដែលបានចោទប្រកាន់ជនត្រូវចោទពីបទហិង្សាដោយចេតនាមានស្ថានទម្ងន់ទោស ទាក់ទងនិងជនល្មើស ប្រព្រឹត្តនៅចំណុចវិទ្យាល័យទួលវណ្ណារាម ភូមិទួលសង្កែ សង្កាត់ទួលសង្កែ ខណ្ឌឫស្សីកែវ កាលពី៣១កក្កដា ឆ្នាំ២០១៩ ទើបតែនៅថ្ងៃទី ២៨កញ្ញា ឆ្នាំ២០២១ សមត្ថកិច្ចបានប្រទះឃើញជនជាប់ចោទនៅចំណុចមុខផ្សារធំទួលសង្កែ ក៏ឃាត់ខ្លួនបញ្ជូនមកតុលាការតែម្ដង៕

ដោយ ៖ មករា