ព័ត៌មានជាតិ

ឃាត់ខ្លួនប៉ូលិសសេដ្ឋកិច្ច២នាក់ ករណីហិង្សាលើអ្នកដឹកឈើជំរិតទារប្រាក់

បានផុស

៣ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

លោកឧត្តមសេនីយត្រី ទិត សំណាង ស្នងការរង ទទួលផែនព្រហ្មទណ្ឌខេត្តកំពង់ធំ បានដឹកនាំកម្លាំងចុះ ឃាត់ខ្លួនប៉ូលិសសេដ្ឋកិច្ចក្រសួងពីរនាក់តាមពាក្យបណ្ដឹងរបស់ជនរងគ្រោះឈ្មោះ ធី ញាញ់ អាយុ៣២ឆ្នាំនៅភូមិល្អក់ ឃុំកំពង់ថ្ម កាលពីថ្ងៃទី២៨ ខែកញ្ញា ឆ្នាំ២០២១ ឃាត់ខ្លួនជនសង្ស័យនៅវេលាម៉ោង៨និង៣០នាទីយប់ ថ្ងៃទី២៩ ខែកញ្ញា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ត្រី ទិត សំណាង បានឲ្យដឹងថា ការចុះឃាត់ជនសង្ស័យជាមន្ត្រីប៉ូលិសសេដ្ឋកិច្ច ក្រសួង២នាក់ គឺបានធ្វើឡើងតាមការចង្អុលបញ្ជាពីឯកឧត្តមព្រះរាជអាជ្ញាអយ្យការអមសាលាដំបូងខេត្តកំពង់ធំ បានឃាត់ខ្លួនមនុស្ស០៤នាក់ពីបទដាក់កុងត្រូលជជុះជំរិតទារប្រាក់ និងប្រើអំពើហិង្សាវាយនឹងពិល ទះកំភ្លៀង អ៊ុកនឹងជង្គង់ទៅលើប្រជាពលរដ្ឋដឹកឈើ(ក្តា )ចំនួន០៩សន្លឹកដោយគោយន្តកន្រៃ្តកាឡេថងយកមកធ្វើផ្ទះនៅតំបន់អូជ្រៅ ភូមិសាស្ត្រភូមិគន្លងខ្ទីង ឃុំឈើទាល ស្រុកសណ្តាន់ បណ្តាលអោយរងរបួសធ្ងន់។

ជនសង្ស័យទាំង៤នាក់ត្រូវបានឃាត់ខ្លួន ដែលជនដៃដល់មានឈ្មោះ អ៊ុច សុខរិទ្ធី ភេទប្រុស អាយុ៣៤ឆ្នាំ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ទី២ឈ្មោះ កែវ រីណា ភេទប្រុស អាយុ៣១ឆ្នាំ ភូមិលេខ២០ ផ្លូវ៦១៤សង្កាត់បឹងកក់២ ខណ្ឌទួលគោក រាជធានីភ្នំពេញ ជនដៃដល់ទាំង២នាក់ឃាត់ខ្លួនកសាងសំណុំរឿងបញ្ជូនទៅតុលាការខេត្តកំពង់ធំ។

ចំណែកជនសង្ស័យ២នាក់ទៀត ម្នាក់ជាប្រជាការពារ ម្នាក់ជាអ្នកសារព័ត៌មាន ឈ្មោះ វ៉ាន់ លាងហេង ភេទប្រុស អាយុ៣៧ឆ្នាំ ភូមិអូពកសាមគ្គី ឃុំឈើទាល និងឈ្មោះ លេង ថេត ភេទប្រុស អាយុ៤៨ឆ្នាំ ភូមិគន្លងខ្ទីងឃុំឈើទាល ស្រុកសណ្តាន់ ក្រោយពីធ្វើការសាកសួរដោយយល់ឃើញថាពុំមានការពាក់ព័ន្ឋ សមត្ថកិច្ចបានឲ្យមកផ្ទះវិញ៕

អត្ថបទ៖ ប៊ុន រដ្ឋា