ព័ត៌មានជាតិ

ក្នុងអំឡុងថ្ងៃបុណ្យកាន់បិណ្ឌ ទំនិញតាមបណ្តាផ្សារមិនបានដំឡើងថ្លៃទេ

បានផុស

៣ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

Kang Tola

ភ្នំពេញ ៖ នៅតាមបណ្តាផ្សារនៅក្នុងមូលដ្ឋានខណ្ឌច្បារអំពៅរាជធានីភ្នំពេញនាថ្ងៃកាន់បិណ្ឌនេះគឺតម្លៃទំនិញពុំបានឡើងថ្លៃឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោក សាន់ ប៊ុនណា ប្រធានគណៈកម្មការផ្សារបន្លែច្បារអំពៅបានប្រាប់កម្ពុជាថ្មីថា រាល់ទំនិញទាំងអស់ពុំបានឡើងថ្លៃនោះក្នុងអំឡុងថ្ងៃបុណ្យកាន់បិណ្ឌនាប៉ុន្មានថ្ងៃនេះ។ ហើយលោកជឿជាក់ថា នៅថ្ងៃបុណ្យភ្ជុំបិណ្ឌធំខាងមុខនេះក៏មិនមានដំឡើងថ្លៃផងដែរ ព្រោះប្រជាពលរដ្ឋភាគច្រើនលោកពុំបានធ្វើចង្ហាន់ទៅប្រគេនព្រះសង្ឃដោយសារទីអារាមភាគច្រើនបានគោរពតាមសេចក្តីណែនាំពីអាជ្ញាធរឲ្យជួយទប់ស្កាត់ជំងឺឆ្លងកូវីដ១៩។

ដោយឡែកអាជីវករវិញបាននិយាយថា ពួកគាត់ពុំបានដំឡើងថ្លៃទំនិញឡើយព្រោះទំនិញក្នុងស្រុកដែលយកមកដាក់លក់គឺតម្លៃនៅថៃ។ ខុសប្លែកពីរាល់ឆ្នាំនាំយកទំនិញពីប្រទេសជិតខាងទើបបង្កឲ្យឡើងថ្លៃព្រោះឈ្មួញនាំចូលយកប្រាក់ចំណេញខ្ពស់។ ចំណែកឆ្នាំនេះដោយសារតែមានការកាត់បន្ថយការជួបជុំគ្នានៅវត្តអារាមទើបឈ្មួញក៏លែងនាំចូលទំនិញសព្វសារពើហើយមុខទំនិញក្នុងស្រុកមិនអាចតម្លើងថ្លៃបាននោះទេ។ បងប្អូនអាជីវករចង់ឲ្យទំនិញនៅរក្សាតម្លៃដដែល ព្រោះបើឡើងថ្លៃពេកអត់មានម៉ូយមកទិញសោះ៕

ដោយ ៖ នរា