លោក ស ថេត ៖ ហាមដាច់ខាតអ្នកសារព័ត៌មានផ្សាយផ្ទាល់ នៅពេលសមត្ថកិច្ច កំពុងអនុវត្តការងារជំនាញចាំបាច់

លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានណែនាំដល់គ្រប់​អង្គ​ភាព ចំណុះឲ្យស្នងការដ្ឋាននគរបាលរាជធានីភ្នំពេញ ត្រូវអនុវត្តការងារឲ្យបានល្អ ហើយហាមដាច់ខាតចំពោះសារព័ត៌មានដែលចូលមកថត ឬឡាយ នៅពេលដែលសមត្ថកិច្ច កំពុងតែអនុវត្តការងារជំនាញចាំបាច់។

ការណែនាំនេះ បានធ្វើឡើងកិច្ចប្រជុំបូកសរុបការងារប្រចាំខែកញ្ញា និងទិសដៅការងារខែតុលា តាមរយ:កិច្ចប្រជុំអន ឡាញ Zoom Meeting នាព្រឹកថ្ងៃទី១ ខែតុលា ឆ្នាំ២០២១នេះ។ បន្ទាប់ពីណែនាំមន្ត្រីនគរបាល ស្ថិតក្រោម​ការគ្រប់គ្រង ស្នងការដ្ឋាននគរបាលរាជធានីភ្នំពេញ ទៅលើការថែរក្សាសន្តិសុខ សណ្ដាប់ធ្នាប់ និងការអនុវត្តច្បាប់​នានារួចមក។  

លោកឧត្តមសេនីយ៍ឯក ស ថេត ក៏បានណែនាំដល់គ្រប់អង្គភាពអនុវត្តការងារឲ្យបានល្អ ហើយហាមដាច់ខាតចំពោះសារព័ត៌មាន ដែលចូលមកថត ឬឡាយ នៅពេលដែលសមត្ថកិច្ច កំពុងតែអនុវត្តការងារជំនាញចាំបាច់។ លោកថា បើប្រាប់មិនស្តាប់ ត្រូវតែចាត់វិធានការតាមច្បាប់ ព្រោះការថត ឬឡាយ អាចធ្វើឲ្យបែកការ ហើយយជនសង្ស័យបានឃើញ និងធ្វើការគេចខ្លួន ដែលនាំឲ្យសមត្ថកិច្ចពិបាក ក្នុងការស្រាវជ្រាវ និងតាមដាន ដើម្បីតាមឃាត់ខ្លួនជនសង្ស័យ៕

អត្ថបទ៖ ឃួន សុភ័ក្រ