ឆ្លងចរន្តអគ្គិសនី ឆេះ​​ផ្ទះ​​២​​ខ្នង​ទាំង​យប់ ​ផ្អើល​អស់​អ្នក​ភូមិ

ខេត្តបាត់ដំបង÷ ផ្ទះពលរដ្ឋ២ខ្នង ត្រូវបានអគ្គិភ័យឆាបឆេះបង្កការភ្ញាក់ផ្អើលទាំងយប់ នៅថ្ងៃទី៣០ខែកញ្ញា ឆ្នាំ២០២១ នា​វេលាម៉ោង ១០:៣០នាទីយប់ ស្ថិតនៅចំណុចក្រុមទី០៩ភូមិគង់ទុំ ឃុំពាមឯក ស្រុកឯកភ្នំ ខេត្តបាត់ដំបង។

សមត្ថកិច្ចឲ្យដឹងនៅថ្ងៃទី១ខែតុលានេះថា ផ្ទះទាំង២ខ្នង ដែលត្រូវបានអគ្គិភ័យឆាបឆេះគ្មានសល់នេះរួមមាន÷១/ ផ្ទះទំហំ៦មx៧មថ្មក្រោមឈើលើរបស់ម្ចាស់ឈ្មោះ ចាន់ទុំភេទស្រីអាយុ៥៨ឆ្នាំ រស់នៅក្នុងភូមិឃុំកើតហេតុខាងលើហើយសម្ភារ:ដែលត្រូវខូចខាតរួមមាន៖ ផ្ទះ០១ខ្នងនិងសម្លៀកបំពាក់តុទូនិងរបស់របរប្រើប្រាស់ក្នុងផ្ទះទាំងស្រុង។

២/ ផ្ទះទំហំ៦មx៨ម ថ្មក្រោមឈើលើរបស់​ម្ចាស់ឈ្មោះអ៊ី តង ភេទស្រីអាយុ៥៥ឆ្នាំរស់នៅ ក្នុងភូមិឃុំកើតហេតុខាងលើស
ម្ភារះខូចខាតរួមមាន៖ឆេះផ្ទះ០១ខ្នង,ឆេះប្រាក់ដុល្លារអស់១.០០០ដុល្លារនិងឆេះសម្លៀកបំពាក់តុទូនិងសម្ភារប្រើប្រាស់ក្នុងផ្ទះទាំងស្រុង។

សមត្ថកិច្ចបន្តថា ក្រោយកើតហេតុភ្លាមៗ សមត្ថកិច្ចបានចេញរថយន្តពន្លត់អគ្គិភ័យចំនួន០២គ្រឿង រថយន្តអធិការស្រុក០១គ្រឿង និងរថយន្តស្នងការខេត្ត០១គ្រឿង ដោយប្រើប្រាស់ទឹកអស់ចំនួន០៣ឡាន ទើបគ្រងគ្រងស្ថានភាពទាំងស្រុង​បាន។

ក្នុងហេតុការណ៍ខាងលើមិនមានរងរបួសស្នាមដល់មនុស្សណាម្នាក់នោះទេ៕

អត្ថបទ៖ សៅ សារិទ្ធ