ព័ត៌មានជាតិ

រដ្ឋាករស្វយ័តផ្សារធំថ្មី សហការជាមួយក្រុមសង្គ្រោះ៧១១ បាញ់ថ្នាំសម្លាប់មេរោគក្នុងផ្សារ ដើម្បីទប់ស្កាត់ជំងឺកូវីដ

បានផុស

៣ years មុន

នៅ

ថ្ងៃអាទិត្យ ៣ តុលា ២០២១

ដោយ

អនុវត្តតាមការណែនាំរបស់លោក ឃួង ស្រេង អភិបាលនៃគណេៈអភិបាលរាជធានីភ្នំពេញ និងដោយមានការយកចិត្តទុកដាក់ពីសំណាក់លោកស្រី ប៉ុន ដានី អភិបាលរដ្ឋាករស្វយ័តផ្សារធំថ្មី កាលពីល្ងាចថ្ងៃទី០២ ខែតុលា ឆ្នាំ២០២១នេះ រដ្ឋាករស្វយ័តផ្សារធំថ្មីសហការជាមួយក្រុមសង្គ្រោះបន្ទាន់៧១១ បានធ្វើសកម្មភាពបាញ់ថ្នាំងសម្លាប់មេរោគ ដើម្បីទប់ស្កាត់ការរីករាលដាលជំងឺកូវីដ-១៩ ខណៈដែលជំងឺនេះបាននឹងកំពុងរីករាលដាលនូវឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ប៉ុន ដានី បានបញ្ជាក់អោយដឹងថា នាថ្ងៃសៅរ៍ ១១រោច ខែ ភទ្របទឆ្នាំ ឆ្លូវ ត្រី ស័ក ព.ស ២៥៦៥ ត្រូវនឹងថ្ងៃទី០២ ខែតុលា ឆ្នាំ២០២១ វេលាម៉ោង១៦និង០០នាទីល្ងាច រដ្ឋាករស្វយ័តផ្សារធំថ្មីបានសហការជាមួយក្រុមសង្គ្រោះបន្ទាន់៧១១ ចំនួន៨នាក់ មានម៉ាស៊ីនបាញ់ថ្នាំចំនួន៤គ្រឿង បានចុះបាញ់ថ្នាំសម្លាប់មេរោគនៅផ្សារធំថ្មី ហើយសកម្មភាពនេះ បានបញ្ចប់នៅវេលាម៉ោង៥និង០០នាទី ។

ការបាញ់ថ្នាំសម្លាប់មេរោគនេះ ជាការយកចិត្តទុកដាក់មួយរបស់រដ្ឋាករស្វយ័តផ្សារធំថ្មី ក្រៅពីវិធានជាច្រើនទៀតដែលបាននឹងកំពុងអនុវត្តដើម្បីទប់ស្កាត់ការរីករាលដាលជំងឺកូវីដ-១៩ ៕

អត្ថបទ៖ ស្រីរ័ត្ន