គិតត្រឹមថ្ងៃទី១ធ្នូនេះមានមនុស្សស្លាប់ដោយសារពុលស្រាសនៅកំពង់ឆ្នាំងកើនឡើងដល់៨នាក់ហើយ

លោកវេជ្ជបណ្ឌិត ប្រាក់វ៉ុន ប្រធានមន្ទីរសុខាភិបាលខេត្តកំពង់ឆ្នាំងបានឲ្យដឹងនៅព្រឹកថ្ងៃទី០១ធ្នូនេះថាគិតត្រឹមថ្ងៃទី​០១ខែធ្នូ  ឆ្នាំ២០២០វេលាម៉ោង១១ថ្ងៃត្រង់នេះមានករណីសង្ស័យពុស្រាសនៅឃុំខ្លុងពពកស្រុកទឹកផុសខេត្តកំពង់ឆ្នាំងសរុបចំនួន១៣១នាក់ ស្រី  ៦នាក់បណ្តាលឲ្យមនុស្សស្លាប់៨នាក់និងជាសះស្បើយចំនួន១១៧នាក់។

លោកបានបន្តថាករណីស្លាប់៨នាក់នេះនាក់ស្លាប់នៅមនី្ទរពេទ្យខេត្ត២នាក់  ស្លាប់ពេលបញ្ជូន២នាក់ ស្លាប់នៅផ្ទះ២នាក់ស្លាប់នៅមន្ទីរពេទ្យកាល់ម៉ែត្រ១នាក់និងស្លាប់ពេលមកដល់មណ្ឌលសុខភាព១នាក់។ តាមលទ្ឋផលនៃការវិភាគបានបង្ហាញថាស្រាសដែលអ្នករងគ្រោះបានពិសារនោះមានកំហាប់ មេតាណុលខ្ពស់ ១៤.៧%Vol ខណៈកំរិតមិនពុលមានត្រឹមតែ០,១០% Volប៉ុណ្ណោះ។

លោកបានបន្ថែមថាបច្ចុប្បន្ននេះនៅសល់អ្នករងគ្រោះកំពុងសម្រាកព្យាបាល នៅមន្ទីរពេទ្យខេត្តចំនួន ៤នាក់និងសម្រាកនៅពេទ្យកាល់ម៉ែត្រចំនួន៣នាក់ ។ គួរបញ្ចាក់ថាករណីសង្ស័យពុលស្រា  សនេះបានកើតឡើងកាលពីថ្ងៃទី២៨  ខែវិច្ឆិកា  ឆ្នាំ២០២០ នៅឃុំខ្លុងពពក  ស្រុកទឹកផុស  ខេត្តកំពង់ឆ្នាំងនៅបេលដែលប្រជាពលរដ្ឋបាននាំគ្នាមកចូលរួមកំដរបុណ្យសពក្នុងភូមិ ។

ក្រសួងសុខាភិបាលបានចាត់វិធានការបន្ទាន់ដោយហាមការផឹកស្រាស  និងបញ្ឈប់ការធ្វើចរាចរលក់ដូរស្រាស  ជា បន្ទាន់និងបន្តអប់រំសុខភាពដល់ប្រជាពលរដ្ឋជាបន្តទៀត  ជាពិសេសមិនត្រូវពិសារស្រាសដែលផលិតគ្មានបច្ចេកទេសត្រឹមត្រូវ។ ពាក់ព័ន្ធករណីនេះដែររដ្ឋបាលខេត្តកំពង់ឆ្នាំងបានចាត់ការដកស្រាសបានជាង៥២០០លីត្រ៕

សំអឿន