Connect with us

ព័ត៌មានជាតិ

មេខ្យល់ស្រីម្នាក់ ត្រូវឃាត់ខ្លួនតាមបទបញ្ជា ពីបទជូនមនុស្សទៅរកការងារធ្វើ នៅប្រទេសថៃដោយខុសច្បាប់

បានផុស

នៅ

ស្ត្រីជាមេខ្យល់ម្នាក់ ត្រូវឃាត់ខ្លួនតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ពីបទ​ជូន​មនុស្ស​ទៅរក​ការងារ​ធ្វើ​នៅ​ប្រទេស​ថៃ​ ដោយ​ខុសច្បាប់​នៅ​វេលា​ម៉ោង​១២​ព្រឹក ថ្ងៃទី​៣ ខែតុលា ឆ្នាំ​២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក​វរសេនីយ៍ទោ ស៊ុន សារឿន នាយរង​ការិយាល័យ ប្រឆាំង​ការជួញដូរ​ និង​មនុស្ស​ការពារ​អនីតិជន​បាន​​ឲ្យ​ដឹងថា មេខ្យល់​ដែល​ត្រូវ​ឃាត់ខ្លួន​មាន ឈ្មោះ រ៉េ​ន ឌឿ​ង ភេទ​ស្រី​ អាយុ​៥៣​ឆ្នាំ នៅ​ភូមិ​ក្តិ​ប​ថ្ម ឃុំ​គោក​រមៀត ស្រុក​ថ្មពួក ខេត្តបន្ទាយមានជ័យ។

​លោក​វរសេនីយ៍ទោ ស៊ុន សារឿន​បានបញ្ជាក់​ប្រាប់​ឲ្យ​ដឹង​បន្តទៀតថា​ មុន​ឈានដល់​ឃាត់ខ្លួន​មេខ្យល់​នោះ​កម្លាំង​នគរបាល​ប៉ុស្តិ៍​រដ្ឋបាល​ឃុំ​គោក​រមៀត​ចុះ​ល្បាត​បាន​ប្រទះឃើញ​ពលករ​ខ្មែរ​ប្រុសស្រី​ ចំនួន​៩​នាក់ ​បម្រុង​ឆ្លងដែន​ទៅ​ប្រទេសថៃ ​ទៅរក​ការងារ​ដោយ​ខុសច្បាប់ កម្លាំង​ប៉ុស្តិ៍​រដ្ឋបាល​ឃុំ​គោក​រមៀត ឃាត់ខ្លួន ហើយ​នាំមក​សាកសួរ នៅ​ប៉ុស្តិ៍​រដ្ឋបាល​ឃុំ​គោក​រមៀត។​

​នៅ​ចំពោះមុខ​សមត្ថកិច្ច​មេខ្យល់​ឈ្មោះ ​រ៉េ​ន ឌឿ​ង បាន​សារភាព​ថា ខ្លួន​បាន​ស៊ីឈ្នួល​ឲ្យ​ថៅកែ​ថៃ រក​ពលករ​ទៅធ្វើ​ការ​នៅ​ប្រទេស​ថៃ ដោយ​ក្នុង​ម្នាក់​ថៅកែ​ថៃ​ឲ្យ​ឈ្នួល​៥០០​បាត។​

ដោយ​ផ្អែកលើ​ចម្លើយសារភាព ​និង​ការបំភ្លឺ​ពី​ពលករ​ខ្មែរ​ទាំង​៩​នាក់។​ ជនសង្ស័យ​ត្រូវបាន​កម្លាំង​នគរបាល​ការិយាល័យ ប្រឆាំង​ការជួញដូរ​មនុស្ស ​និង​ការពារ​អនីតិជន រៀបចំ​សំណុំរឿង​បញ្ជូន​ខ្លួន​ទៅ​ស្នងការ​នគរបាល​ខេត្តបន្ទាយមានជ័យ ក្នុងនោះ​ឧ​ត្ត​ម​សេនីយ៍​ទោ សិទ្ធិ ឡោះ ​បញ្ជា​ឲ្យ​បញ្ជូន​មេខ្យល់​ទៅ​សាលាដំបូង​ខេត្ត​នៅ​ព្រឹកថ្ងៃទី៤ ខែតុលា ឆ្នាំ២០២១ ដាក់ទោស​ទៅតាម​ច្បាប់​ហើយ​។ ចំណែក​ពលករ​ខ្មែរ​ទាំង​៩​នាក់ ​ក្រោយពី​ធ្វើ​កិច្ចសន្យា​ហើយ​សមត្ថកិច្ច ​បាន​ឲ្យ​វិលត្រឡប់​ទៅ​លំនៅឋាន​វិញ​ផង​ដែរ​៕

អត្ថបទ៖ ​វ៉ាន់ ណា​ង​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទីutes មុន

សួនញញឹមអង្គរ តុបតែងលម្អយ៉ាងស្រស់ស្អាត ត្រៀមទទួលភ្ញៀវទេសចរ ក្នុងព្រឹត្តិការណ៍អង្គរសង្ក្រាន្តខាងមុខ

ព័ត៌មានជាតិ៩ នាទីutes មុន

ប្រធានរដ្ឋសភាអំពាវនាវឱ្យពង្រឹងការត្រួតពិនិត្យសុវត្ថិភាពចំណីអាហារដល់ប្រជាពលរដ្ឋ

សន្តិសុខសង្គម១៥ នាទីutes មុន

Breaking News៖ អគ្គិភ័យកំពុងឆេះរោងចក្រនៅស្រុកអង្គស្នួល ខេត្តកណ្ដាល(មានវីដេអូ)

ព័ត៌មានអន្ដរជាតិ១៥ នាទីutes មុន

​ផ្ទុះ​​ម៉ាស៊ីន​​ក្នុង​អណ្ដូងរ៉ែនៅអេស៉្បាញ ​បណ្តាល​​ឲ្យ​ស្លាប់៥នាក់​​និង​របួស​​៤​នាក់​

ព័ត៌មានអន្ដរជាតិ២៧ នាទីutes មុន

ជោគវាសនា​​​​​​​​របស់​លោក Yoon ​Suk Yeol នឹង​​ត្រូវ​ដឹង​នៅ​ថ្ងៃសុក្រ​ទី​៤​មេសា​នេះ​​

Sokha Hotels

ព័ត៌មានពេញនិយម