ព័ត៌មានជាតិ
ខេត្តសៀមរាប ចាប់ផ្ដើមណែនាំ និងអប់រំពលរដ្ឋ អំពីការរស់នៅតាមបែបគន្លងថ្មី ក្នុងបរិបទនៃជំងឺកូវីដ
អាជ្ញាធរខេត្តសៀមរាប ដឹកនាំដោយលោកស្រី យូ សុភា អភិបាលរងខេត្តសៀមរាប និង ជាប្រធានក្រុមទី៣ នៃយុទ្ធនាការនេះ បានដឹកនាំក្រុមការងារខេត្ត ចាប់ផ្ដើមធ្វើយុទ្ធនាការក្នុងរយៈពេល២ថ្ងៃ គឺថ្ងៃទី០២និងថ្ងៃទី០៣ ខែតុលានេះ បានចុះពន្យល់ និង ណែនាំដល់បងប្អូនប្រជាពលរដ្ឋ និងអាជីវករនៅក្នុងសង្កាត់ទឹកវិលនិងសង្កាត់ស្រង៉ែ ក្នុងក្រុងសៀមរាប ឲ្យពួកគាត់បានយល់ដឹងកាន់តែច្បាស់ អំពីរបៀបនៃការរស់នៅក្នុងជីវភាពធម្មតា តាមបែបគន្លងថ្មី ក្នុងសម័យកូវីដ-១៩។
លោកស្រី យូ សុភា អភិបាលរងខេត្តសៀមរាប មានប្រសាសន៍ថា ដើម្បីអនុវត្ត តាមអនុសាសន៍ដ៏ថ្លៃថ្លារបស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឲ្យកាន់តែមានប្រសិទ្ធភាពខ្ពស់ ស្ដីពីការរៀនរស់ក្នុងជីវភាពធម្មតា តាមបែបគន្លងថ្មីក្នុងសម័យកូវីដ-១៩នោះ រដ្ឋបាលខេត្តសៀមរាប បានចេញនូវសេចក្ដីណែនាំចំនួន ១០ចំណុច ស្ដីពីការពង្រឹងការអនុវត្តវិធានការនានា និងការធានាប្រក្រតីភាពក្នុងការរស់នៅ តាមបែបគន្លងថ្មី នៃបរិបទជំងឺកូវីដ-១៩ នៅក្នុងភូមិសាស្ត្រខេត្តសៀមរាប ជាពិសេសបានបែងចែកក្រុមការងារ ដែលដឹកនាំដោយលោក លោកស្រី ជាអភិបាលរងខេត្ត ចុះពន្យល់ និងណែនាំដល់បងប្អូនប្រជាពលរដ្ឋ និងអាជីវករ នៅតាមបណ្តាសង្កាត់ទាំង១២ នៃក្រុងសៀមរាប ឲ្យបានយល់ដឹងកាន់តែច្បាស់អំពីរបៀបនៃការរស់នៅក្នុងជីវភាពធម្មតា តាមបែបគន្លងថ្មីក្នុងសម័យកូវីដ-១៩ ។
លោកស្រី យូ សុភា មានប្រសាសន៍បន្ថែមថា ការអនុញ្ញាតឲ្យដកបម្រាមចេញ ពិសេសការលប់ចោលតំបន់ក្រហម និង តំបន់លឿងទុំវិញ រួមជាមួយនឹងការអនុញ្ញាតឲ្យប្រជាពលរដ្ឋបានធ្វើដំណើរនិងប្រកបអាជីវកម្មឡើងវិញនោះ មិនមែនមានន័យថា ជំងឺដ៏កាចសាហាវមួយនេះបានធូរស្បើយនោះទេ តែតាមពិតជំងឺនេះនៅតែមាននៅគ្រប់ទិសទី ហើយអាចនឹងឆ្លងចូលដល់ខ្លួនមនុស្សគ្រប់ពេលវេលាទៀតផង ប្រសិនបើមិនមានវិធានការបង្ការ និងទប់ស្កាត់ឲ្យបានទាន់ពេលវេលាទេនោះ ជាពិសេសមិនបានអនុវត្តតាមវិធានការរបស់រាជរដ្ឋាភិបាល៣ការពារ៣កុំឲ្យបានខ្ជាប់ខ្ជួនទេនោះ ដូច្នេះការរស់នៅក្នុងជីវភាពធម្មតា តាមបែបគន្លងថ្មីក្នុងសម័យកូវីដ-១៩ គឺជារឿងចាំបាច់បំផុត ព្រោះថា ពិភពលោកយើងនេះ ប្រហែលជាយើងត្រូវរស់នៅជាមួយនឹងជំងឺកូវីដ-១៩យូរអង្វែងបន្តទៀត ដោយសារតែជំងឺឆ្លងដ៏កាចសាហាវមួយនេះ មិនទាន់ទៅណាឲ្យឆ្ងាយពីពិភពលោកយើងនេះទេ ពីព្រោះវានៅតែបន្តការឆ្លងរាតត្បាតជាសកលនៅឡើយ ។
លោកស្រីអភិបាលរងខេត្តសៀមរាប មានប្រសាសន៍បន្ថែមទៀតថា អំណឹះតទៅ មនុស្សត្រូវតែរស់នៅក្នុងវិន័យ ត្រូវរៀនផ្លាស់ប្ដូរទម្លាប់ ហើយក៏ត្រូវធ្វើការកម្រិតសេរីភាពរបស់ខ្លួនឲ្យបានខ្លាំងជាងមុន ដើម្បីរក្សាអាយុជីវិត រក្សាការងារនិងមុខរបរអាជីវកម្មរបស់ខ្លួន ព្រោះរហូតមកដល់បច្ចុប្បន្ននេះ អ្នកវិទ្យាសាស្ត្រក្នុងពិភពលោក នៅមិនទាន់រកឃើញនៅឡើយទេ នូវថ្នាំសម្រាប់ព្យាបាលជំងឺ ដ៏កាចសាហាវនេះ ដូច្នេះ ការពាក់ម៉ាសជាប្រចាំ ការរក្សាគម្លាតសុវត្ថិភាពសង្គម ការលាងដៃជាមួយសាប៊ូ ឬ អាល់កុលជាញឹកញាប់ ជាពិសេស ការកាត់ផ្ដាច់ទំនងរវាងមិត្តភក្ដិ បងប្អូន គឺជាបែបផែនរស់នៅដ៏លំបាក ប៉ុន្ដែយើងទាំងអស់គ្នាពិតជាគ្មានជម្រើសឡើយ ក្រៅពីរៀនរស់នៅក្នុងស្ថានភាពថ្មីនេះឲ្យបាន ដើម្បីរក្សាលំនឹងជីវភាពក្នុងគ្រួសារផង និងជៀសផុតពីការឆ្លងជំងឺផង នេះហើយដែលគេហៅថា ការរស់នៅក្នុងជីវភាពធម្មតា តាមបែបគន្លងថ្មីក្នុងសម័យជំងឺកូវីដ-១៩ ហេតុនេះ វាពិតជាពិបាកបន្ដិចមែន ប៉ុន្ដែការបណ្ដោយខ្លួនឲ្យឆ្លងជំងឺកូវីដ-១៩ វាក៏ពិតជាពិបាកជាងនេះឆ្ងាយណាស់ ហើយក៏អាចប្រឈមនឹងសេចក្ដីស្លាប់ គ្រប់ពេលវេលាផងដែរ៕
អត្ថបទ៖ គឿនវេត
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ