ព័ត៌មានជាតិ

អតីតតារាកំប្លែង ស្រីអយ ត្រូវអ្នកនាង សឿ សុធារ៉ា ទម្លាយរឿងជំពាក់លុយជិត ១ ម៉ឺនដុល្លារ

បានផុស

៣ years មុន

នៅ

ថ្ងៃព្រហស្បតិ៍ ៧ តុលា ២០២១

ដោយ

អតីតតារាកំប្លែងអ្នកនាង ជួន ចាន់រតនា ហៅ ស្រីអយ បានធ្វើឲ្យមហាជន និងអ្នកសិល្បៈដូចគ្នាមានការភ្ញាក់ផ្អើលខ្លាំង ខណៈសុខៗស្រាប់តែត្រូវបានអ្នកសិល្បៈដូចគ្នាទម្លាយរឿងជំពាក់លុយជិត ១ ម៉ឺនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងនៅលើគណនីហ្វេសប៊ុករបស់តារាសម្តែងអ្នកនាង សឿ សុធារ៉ា បានបង្ហោះដោយភ្ជាប់ឈ្មោះ និងរូបភាពរបស់តារាកំប្លែងអ្នកនាងស្រីអយ ដូច្នេះថា អ្នកនាង ស្រីអយ ជំពាក់លុយខ្លួនចំនួន៩៥២០ ដុល្លារមិនទាន់សងទេ។

អ្នកនាង សឿ សុធារ៉ា បានបញ្ជាក់ថា អ្នកនាង ជួន ចាន់រតនា ហៅ ស្រីអយ អតីតតារាកំប្លែងជំពាក់នូវទឹកប្រាក់នាងខ្ញុំចំនួន ៩៥២០ ដុល្លារ គិតត្រឹមថ្ងៃទី ២៧ ខែសីហា ឆ្នាំ ២០២១ មកទល់ថ្ងៃនេះគាត់មិនព្រមសងប្រាក់នាងខ្ញុំទេ។ ដោយឲ្យនាងខ្ញុំទទួលខុសត្រូវបង់ប្រាក់ជំនួសគាត់ក្នុងមួយថ្ងៃ ១៧៣ ដុល្លារ រហូតចប់តុងទីននាងខ្ញុំ ៤០ ថ្ងៃទៀត។

តារាសម្តែងស្រី សឿ សុធារ៉ា បាននិយាយបន្ថែមទៀតថា សូមបញ្ជាក់ តុងទីនក្បាល ២០ ដុល្លារគាត់ (ខ្ញុង) លេង ៧ ក្បាល ងាប់ ៥ រស់ ២ ហើយខ្ញុំថែមទាំងចេញលុយជំនួសគាត់ ៥០០ ដុល្លារចំនួន ៣៧ សប្ដាហ៍ទៀតដែលគាត់បានលេងតុងទីនជាមួយនាងខ្ញុំមួយខ្សែទៀតគឺក្បាល ១០០ ដុល្លារ។