ព័ត៌មានជាតិ

បុណ្យភ្ជុំបិណ្ឌរយះពេល៣ថ្ងៃ ខេត្តសៀមរាប ទទួលបានភ្ញៀវទេសចរជាង៣ម៉ឺននាក់

បានផុស

៣ years មុន

នៅ

ថ្ងៃសុក្រ ៨ តុលា ២០២១

ដោយ

លោក ង៉ូវ សេងកាក ប្រធានមន្ទីរទេសចរណ៍ខេត្តសៀមរាប បានឲ្យកម្ពុជាថ្មីដឹងថា រយៈពេល០៣ថ្ងៃ នៅក្នុងបុណ្យភ្ជំបិណ្ឌ ចាប់ពីថ្ងៃទី០៥ ដល់ ថ្ងៃទី០៧ ខែតុលា ឆ្នាំ២០២១ ប្រជាពលរដ្ឋក្នុងខេត្តសៀមរាបបានដើរកម្សាន្តក្នុងរមណីយដ្ឋាន-សហគមន៍អេកូទេសចរណ៍នានាមានចំនួនប្រមាណ ៣៣ ២២២ នាក់ ក្នុងនោះ រមណីយដ្ឋានអង្គរមានចំនួនប្រមាណ ២១ ០០០ នាក់ រមណីយដ្ឋានឧទ្យានជាតិភ្នំគូលែនមានចំនួនប្រមាណ ៦ ៣០០ នាក់ សហគមន៍ទេសចរណ៍-អេកូទេសចរណ៍មានចំនួនប្រមាណ ៥ ៧០០ នាក់។ ដោយឡែក ភ្ញៀវទេសចរបរទេសផ្ទៃក្នុង មានចំនួន ២២២ នាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការសង្កេតមើលជាក់ស្តែង អ្នកទេសចរដែលបានដើរកម្សាន្ត នៅតាមរមណីយដ្ឋាននានាក្នុងខេត្តសៀមរាប ភាគច្រើន គឺបានអនុវត្តវិធានការសុខាភិបាល ដោយមានការពាក់ម៉ាស បាញ់អាកុល វាស់កម្តៅ មុនពេលចូលទៅក្នុងរមណីយដ្ឋាន។ ជាមួយគ្នានេះ មន្ត្រី នៃមន្ទីរទេសចរណ៍ខេត្ត ក៏បានចុះណែនាំដល់អ្នកគ្រប់គ្រងរមណីយដ្ឋាននីមួយៗ ឱ្យប្រាប់ទៅរាល់ភ្ញៀវទេសចរ ដែលមកកម្សាន្តនៅទីតាំងរបស់ខ្លួន ត្រូវអនុវត្តឱ្យបានត្រឹមត្រូវនូវវិធានការសុខាភិបាល និងសុវត្ថិភាពទេសចរណ៍៕

អត្ថបទ៖ គឿនវេត