អាជ្ញាធរបដិសេធ​​ពាក្យចរចាម​អារ៉ាមបិទ​ភូមិ​ នៅខណ្ឌច្បារ​អំពៅ រាជធានីភ្នំពេញ​

លោក ចេង មុនីរ៉ា អភិបាល​ខណ្ឌ​ច្បារអំពៅ រាជធានី​ភ្នំពេញ​បាន​បដិសេធពាក្យចរចាមអារាម ដែលថា អាជ្ញាធរបិទក្រុម៥មិនឲ្យចេញចូលនោះគឺពុំពិតទេ ដោយគ្រាន់តែឲ្យបងប្អូនយកចិត្តទុកដាក់ថែរក្សាអនាម័យឲ្យបានគ្រប់ៗគ្នា។ចំណែកបងប្អូនដែលមានលំនៅដ្ឋានជាប់ និងលោកមេភូមិបឹងឈូក នោះសូមកុំធ្វើដំណើចេញពីលំនៅដ្ឋាន ដើម្បីឲ្យមន្ត្រីក្រសួងសុខាភិបាលមកពិនិត្យក្រែងមានផ្ទុកជំងឺកូវិដ១៩។

លោក​បាន​បន្ថែមថា​ អំឡុង​ពេលនាំយកអំណោយទៅផ្តល់ជូនប្រជាពលរដ្ឋរស់នៅក្នុងក្រុម៥ភូមិបឹងឈូកសង្កាត់និរោធគឺសូមឲ្យបងប្អូនចេះសំអាតខ្លួនក្នុងនោះត្រូវពាក់ម៉ាស់និងលាងដៃដោយសាប៊ូរួមទាំងទឹកអាកុលឲ្យបានគ្រប់ៗគ្នា។ នារសៀលថ្ងៃទី១ខែធ្នូនេះលោកបានដឹកនាំក្រុមការងារនាំយកអំណោយរួមមានម៉ាស់ សាប៊ូ អាកុល រួមទាំងស្បៀងអាហារយកទៅផ្តល់ដល់បងប្អូនប្រជាពលរដ្ឋរស់ក្រុម៥ដែលស្ថិតនៅក្បែលំនៅដ្ឋានលោក សាយ សុីម មេភូមិបឹងឈូក ដែលមានផ្ទុកជំងឺកូវុិត១៩តាមរយះក្មួយនាថ្ងៃទី២៨ខែវិច្ឆិកា។

អំណោយដែលយកមកផ្តល់ជូនប្រជាពលរដ្ឋក្នុងក្រុម៥នេះគឺមានអាកុល ម៉ាស់រួមទាំងសាប៊ូ ដើម្បីជូនដល់បងប្អូនយកទៅពាក់និងលាងសំអាតខ្លួន។ខណះនោះលោកអភិបាលខណ្ឌក៏បានយកថ្នាំបាញ់សម្លាប់មេរោគក្នុងក្រុមទី៥នេះទៀតផង។ដូច្នេះ​ទាក់ទិននឹងពាក្យចាមអារាមដែលថាអាជ្ញាធរបិទក្រុម៥មិនឲ្យចេញចូលនោះគឺពុំពិតទេ ដោយគ្រាន់តែឲ្យបងប្អូនយកចិត្តទុកដាក់ថែរក្សាអនាម័យឲ្យបានគ្រប់ៗគ្នា។

ចំណែកបងប្អូនដែលមានលំនៅដ្ឋានជាប់និងលោកមេភូមិបឹងឈូក នោះសូមកុំធ្វើដំណើចេញពីលំនៅដ្ឋាន ដើម្បីឲ្យមន្ត្រីក្រសួងសុខាភិបាលមកពិនិត្យក្រែងមានផ្ទុកជំងឺកូវិដ១៩៕

នរា