ព័ត៌មានជាតិ

លោកហ៊ុន ម៉ានី ទទួលលទ្ធផលតេស្តអវិជ្ជមានវីរុសកូវីដ១៩

បានផុស

៤ years មុន

នៅ

ថ្ងៃអង្គារ ១ ធ្នូ ២០២០

ដោយ

ភ្នំពេញ ៖ លោកហ៊ុន ម៉ានី សមាជិករដ្ឋសភាមានលទ្ធផលតេស្តអវិជ្ជមានវីរុសកូវីដវីដ១៩។ប៉ុន្តែលោកត្រូវធ្វើចត្តាឡីស័ក១៤ថ្ងៃដើម្បីបន្តតាមដានសុខភាពជាបន្តទៀត។

លោកបានបង្ហោះសារនៅលើទំព័រហ្វេប៊ុករបស់លោក នៅថ្ងៃនេះថា «នៅព្រឹកថ្ងៃទី០១ខែធ្នូ ឆ្នាំ២០២០នេះ ក្រុមគ្រូពេទ្យរបស់យើងបានមកដល់លំនៅឋានរបស់ខ្ញុំ ហើយបានយក សំណាកខ្ញុំបញ្ជូនទៅធ្វើតេស្ត។ ទោះបីជាខ្ញុំមានអារម្មណ៍ល្អដូចថ្ងៃណាមួយក៏ដោយការចាត់វិធានការនេះគឺចាំបាច់»។

លោកបានបន្តទៀតថា ដើម្បីចូលរួមក្នុងជំហ៊ានរបស់រាជរដ្ឋាភិបាលកម្ពុជាក្នុងការទប់ស្កាត់ការរីករាលដាលនៃជំងឺកូវីដ១៩ ជាពិសេសព្រឹត្តិការណ៍នៃ“ ថ្ងៃទី ២៨ ខែវិច្ឆិកា” យើងគួរតែចូលរួមនិងអនុវត្តតាមការប្រុងប្រយ័ត្ននានាដែលចាំបាច់។

លោកបានបញ្ជាក់ថា«លទ្ធផលផ្លូវការសម្រាប់ខ្ញុំនៅលើ“ តេស្តកូវី ដ១៩” នៅព្រឹកនេះគឺ“ អវិជ្ជមាន” ។ ទោះយ៉ាងណាខ្ញុំនឹងត្រូវស្នាក់នៅដាច់ពីគ្នានិងតាមដានសុខភាពរបស់ខ្ញុំក្នុងអំឡុងពេល ១៤ ថ្ងៃនេះ។ខ្ញុំសូមថ្លែងអំណរគុណយ៉ាងជ្រាលជ្រៅចំពោះមិត្តភ័ក្ត្រមិត្តរួមការងារនិងអ្នករាល់គ្នាដែលបានផ្ញើពាក្យដែលបង្ហាញពីក្តីបារម្ភនិងការជួនពរ»។

គួរបញ្ជាក់ថា លោក ហ៊ុន ម៉ានី គឺជាសមាជិកសភាម្នាក់ក្នុងចំណោមឥស្សរជន និងមន្ត្រីរាជការរដ្ឋសភាដែលពាក់ព័ន្ធនឹងព្រឹត្តិការណ៍សហគមន៍ ២៨វិច្ឆិកាចំនួន៣១នាក់ ដែលមានហានីភ័យមធ្យម ក្នុងការឆ្លងកូវីដ១៩ខណៈមន្ត្រីរាជការរដ្ឋសភាចំនួន៣៥នាក់ទៀតមានហានីភ័យទាប៕
ដោយ ៖ សំអឿន

Related Topics: