ព័ត៌មានជាតិ

លោក សុខ លូ៖ អាជ្ញាធរក៏មានគម្រោងសាងសង់ផ្លូវចូលប្រាសាទសំបូរព្រៃគុកដែរ តែចាំធ្វើផ្លូវវាងប្រាសាទហើយសិន

បានផុស

៣ years មុន

នៅ

ថ្ងៃចន្ទ ១១ តុលា ២០២១

ដោយ

លោក សុខ លូ អតីតអភិបាលខេត្តកំពង់ធំ ដែលទើបប្រកាសប្តូរទៅកាន់តំណែងអភិបាលខេត្តបាត់ដំបងបានឆ្លើយតបលើបណ្ដាញសង្គមហ្វេសបុកមួយថា អាជ្ញាធរសំបូរព្រៃគុកក៏មានគម្រោងសាងសង់ផ្លូវនេះដែរតែចាំធ្វើផ្លូវវាងប្រាសាទហើយសិន ព្រោះគេមិនចង់ឱ្យឡានធំច្រើនឆ្លងកាត់ក្នុងតំបន់នេះ ដែលជាតំបន់ស្នូលនៃប្រាសាទ នាំឱ្យប៉ះពាល់ច្រើនដល់ប្រាសាទ។ រាល់ការធ្វើអ្វី ក្នុងតំបន់នេះអាជ្ញាធរសំបូរព្រៃគុកក៏ត្រូវតែពិភាក្សាជាមួយយូណេស្កូដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋជាច្រើនបានរិះគន់អាជ្ញាធរយ៉ាងខ្លាំង បន្ទាប់ពីផ្លូវចូលប្រាសាទសំបូរព្រៃគុក មានការលំបាក ក្នុងការធ្វើដំណើរឆ្លងកាត់ ដោយសារផ្លូវដែលមានប្រវែងប្រមាណ៣គីឡូម៉ែត្រនេះ នៅរដូវវស្សាបានរងការខូចខាតជាខ្លាំង។ ចំណែកអ្នកជិះម៉ូតូ តែងតែដួលប្រឡាក់សំលៀកបំពាក់ និងបានរិះគន់ទៅលើអាជ្ញាធរថា មិនសាកសមជាផ្លូវចូលរមណីយដ្ឋានសំបូរព្រៃគុគ ដែលជាសម្បត្តិបេតិកភណ្ឌពិភពលោកនោះឡើយ និងសុំឲ្យក្រសួង-ស្ថាប័ន និងអាជ្ញាធរពាក់ព័ន្ធ ជួយដោះស្រាយបញ្ហានេះផង។

ទោះយ៉ាងណាកាលពីពេលថ្មីៗនេះលោក ទង់ គឹមតុល អភិបាលស្រុកប្រាសាទសំបូរ បានឲ្យដឹងថា ចំពោះផ្លូវចូលប្របាទសំបូរព្រៃគុគនេះ គឺអាជ្ញាធរស្រុក ពុំមានសិទ្ធិក្នុងការកែលម្អ ឬក៏ជួសជុលឲ្យប្រសើរឡើងបានទេ ដោយសារតែតំបន់រមណីយដ្ឋានប្រាសាទសំបូរព្រៃគុក ស្ថិតក្រោមការគ្រប់គ្រងរបស់អាជ្ញាធរសំបូរព្រៃគុគ ហើយសូម្បីតែយកគ្រឿងចក្រមកគៀរ ឬចង់កាប់បង្ហូរទឹកចេញពីថ្នល់ ក៏មិនទទួលបានការអនុញ្ញាតដែរ៕