ព័ត៌មានជាតិ

សម្តេចពិជ័យសេនា ទៀ បាញ់៖ នៅក្នុងទម្រង់ចាក់វ៉ាក់សាំងរបស់គ្រូពេទ្យកងទ័ព គ្មានពាក្យដែលថា”ពេទ្យមិនឲ្យចាក់នោះទេ”

បានផុស

៣ years មុន

នៅ

ថ្ងៃចន្ទ ១១ តុលា ២០២១

ដោយ

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានលើកឡើងថា តាំងពីដំបូងសម្តេចបានណែនាំទៅដល់ក្រុមគ្រូពេទ្យកងទ័ពដែលចុះចាក់វ៉ាក់សាំងជូនកងទ័ព និងប្រជាពលរដ្ឋ អំពីទម្រង់នៃពាក្យសុំចាក់វ៉ាក់សាំងដែលសម្តេចបានបង្កើត គឺមានតែអ្នកដែកស្ម័គ្រចិត្តចាក់ និងអ្នកដែលមិនស្ម័គ្រចិត្តចាក់ ចំណែកពាក្យដែលថា ពេទ្យមិនឲ្យចាក់គឺមិនមានទេ ។

សម្តេចពិជ័យសេនា ទៀ បាញ់ បានលើកយកទម្រង់នៃពាក្យចាក់វ៉ាក់សាំងមកថ្លែងបែបនេះ ក្នុងឱកាសសម្តេចអញ្ជើញបើកយុទ្ធនាការចាក់វ៉ាក់សាំងដូសទី៣ (ដូសជំរុញ) នៅក្នុងក្របខ័ណ្ឌរាជធានីភ្នំពេញ នាព្រឹកថ្ងៃទី១១ ខែតុលា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចពិជ័យសេនាបានលើកឡើងថា «មានមនុស្សតិចតួចណាស់ដែលមិនព្រមចាក់វ៉ាក់សាំង,និយាយគ្នាត្រង់ៗ គឺគេមិនចង់ចាក់ឥឡូវនេះវាចាប់ផ្ដើមដឹងជាបន្តបន្ទាប់ហើយ ជាពិសេសចំណុចនេះខ្ញុំសូមរំលឹកឡើងវិញថា ទស្សនៈដំបូងរបស់សម្ដេចតេជោបានបញ្ជាក់ហើយបញ្ជាក់ទៀតថា វ៉ាក់សាំងកាតព្វកិច្ចពេលនេះវាបានចាប់ផ្ដើមចូលជាផ្លូវការហើយបណ្ដាប្រទេសមួយចំនួនបានចាប់ផ្ដើមអនុវត្តវ៉ាក់សាំងកាតព្វកិច្ច។ ហើយនៅរាជធានីភ្នំពេញក៏បានធ្វើការណែនាំឱ្យចាប់ផ្ដើមអនុវត្តហើយដូចជាផ្សារទំនើប ឬភោជនីយដ្ឋានមួយចំនួនមានកាតចាក់វ៉ាក់សាំងទើបអាចចូលទៅបាន…។ សម្តេចបានបន្តថា អ្នកដែលមិនទាន់បានចាក់វ៉ាក់សាំងមួយចំនួនបានចាប់ផ្ដើមស្វែងរកចាក់វ៉ាក់សាំងហើយ។

សម្តេចបានបន្តថា មនុស្សទាំងនោះយើងបានអញ្ជើញផងអប់រំផងឲ្យមកចាក់វ៉ាក់សាំងហើយមិនព្រម ដូចនេះយើងគ្មានជម្រើសទេឲ្យគាត់ទៅតាមដំណើរហ្នឹង ទៅចុះយើងមិនអាចធ្វើអ្វីកើតទេហើយពីមុននេះយើងប្រើដល់ពាក្យស្ម័គ្រចិត្តទៀតផងបានន័យថាយើងមិនបានបង្ខំពួកគេទេ ។

សម្តេចពិជ័យបន្តថា «ក្នុងទម្រង់ដែលត្រូវបានចាក់វ៉ាក់សាំងជូនដល់ប្រជាពលរដ្ឋខ្ញុំសុំនិយាយមែនទែន…គឺតាំងពីដំបូងទម្រង់នេះខ្ញុំឲ្យបង្កើតតែម្ដងអ្នកដែកស្ម័គ្រចិត្តចាក់និងអ្នកដែលមិនស្ម័គ្រចិត្តចាក់,ហើយអ្នកដែលពេទ្យមិនឲ្យចាក់…ដែលខ្ញុំចុះទៅត្រួតពិនិត្យមែនទែនគ្រប់កន្លែងទាំងអស់បានបញ្ជាក់ទៅដល់ក្រុមអ្នកសម្ភាសទៀតថាឲ្យ លុបចោលទាំងអស់ពាក្យថា«ពេទ្យមិនឲ្យចាក់» នោះខ្ញុំឲ្យលុបចោលតែម្ដង ។ មិនឲ្យធ្វើរបៀបនេះទេ។គឺមិនឱ្យពេទ្យទៅហាមប្រជាជនមិនឲ្យចាក់នោះទេ ។ព្រោះខ្ញុំដឹង ថាថ្ងៃណាមួយគេហ្នឹងមករកចាក់,ហើយគេនឹងនិយាយថាថ្ងៃមុនខ្ញុំមកដែរតែពេទ្យថាមិនឲ្យចាក់ដូចនេះខ្ញុំសុំចាក់»។

សម្តេចពិជ័យសេនា ទៀ បាញ់ បានចាត់ទុថា នេះជាការទម្លាក់គំហុសមកលើក្រុមគ្រូពេទ្យ ខណៈដែលខ្លួនឯងមិនចង់ចាក់សោះ ។ដូច្នេះគេទម្លាក់កំហុសទៅលើពេទ្យថា មិនឲ្យគេចាក់,ដូច្នេះសូមឲ្យលុបចោលពាក្យនេះតែម្តងអ្វីដែលជាទម្រង់របស់ក្រុមគ្រូពេទ្យក្រសួងការពារជាតិធ្វើគឺមិនមានទេ(ពាក្យថាពេទ្យមិនឲ្យចាក់)គឺតាំងពីដើមទីមកម្ល៉េះ។សម្តេចបន្តថាយើងបានណែនាំឲ្យសួរតែប៉ុន្មានម៉ាត់ទេប៉ុន្មានថ្ងៃហ្នឹងមានឈឺអីឬទេ?ហើយពីមុនមានឈឺអីដែរ?ដូច្នេះបើប៉ុន្មានថ្ងៃនេះមិនឈឺទេចាក់ឲ្យតែម្តងមិនបាច់ប្រើពាក្យថា មិនអាចចាក់បាននោះទេ ។

បើតាមសម្តេចពិជ័យសេនា ទៀ បាញ់ តាមរបាយការណ៍បូកសរុបរបស់គណៈកម្មការចំពោះកិច្ចចាក់វ៉ាក់សាំងកូវីដ១៩ ដែលសម្តេចបានពិនិត្យមើលកាលពីថ្ងៃទី១០ ខែតុលា បានបង្ហាញថា មានមនុស្សចំនួន ៧២៩៣៣ នាក់ដែលមិនបានចាក់វ៉ាក់សាំងដោយបញ្ជាក់ថា ពេទ្យមិនឲ្យចាក់ ។…ក្រុមគ្រូពេទ្យកងទ័ពគឺគ្មានទម្រង់នៃពាក្យដែលថា គ្រូពេទ្យមិនឲ្យចាក់នោះទេ ៕

អត្ថបទ៖ ណារី