ព័ត៌មានជាតិ
មន្ត្រីជំនាញ កំពុងសម្រុកជួសជុលផ្លូវជាតិ៤៨ មុនគម្រោងកូរ៉េបើកការដ្ឋានស្ថាបនាខែវិច្ឆិកា
ផ្លូវជាតិលេខ៤៨បានរងការខូចខាតជាច្រើនកន្លែងអំឡុងរដូវវស្សាឆ្នាំនេះ គ្រាដែលគុណភាពផ្លូវកាន់តែចាស់ទៅហើយដែរ ទោះយ៉ាងណាបញ្ហានេះ ក្រុមមន្ត្រីជំនាញនៃមន្ទីរសាធារណការខេត្តកោះកុង ក៏កំពុងសម្រុកដាក់កម្លាំងគ្រឿងចក្រឈូសឆាយជួសជុលកែសម្រួលចរាចរណ៍មុននឹងបើកការដ្ឋានស្ថាបនាថ្មីរបស់កូរ៉េចូលដល់នៅខែវិច្ឆិកាខាងមុខ។
ភ្លៀងធ្លាក់ស្ទើរគ្មានលោះថ្ងៃតាំងពីដើមខែវស្សាមកពេលនេះ កំណាត់ផ្លូវជាតិ៤៨ដែលមានគុណភាពចាស់ទ្រុឌទ្រោមរងការដក់ទឹកបង្កឱ្យបាក់ស្រុត ជង្ហុកតូចធំ និងទ្រាំទ្រលែងបាននឹងទម្ងន់រថយន្តធុនធ្ងន់ដឹកជញ្ចូនទំនិញពាណិជ្ជកម្មរាល់ថ្ងៃ។
លោក អន ដាវុធ ប្រធានមន្ទីរសាធារណការ និងដឹកជញ្ចូនខេត្តកោះកុង ឱ្យដឹងរសៀលថ្ងៃទី១១ ខែតុលាថា តាមការវាយតម្លៃ កំណាត់ផ្លូវជាតិ៤៨ដែលរងខូចខាតប្រវែងជិត៤គីឡូម៉ែត្រ ដោយចំណុចខូចខ្លាំងកំពុងត្រូវបានជួសជុលសម្រួលបឋមសិនសម្រាប់ការធ្វើចរាចរណ៍ទៅមក។ រីឯចំណុចខូចខាតផ្សេងទៀតបន្តគៀសម្រួលបន្ថែម ដោយបែងចែងកម្លាំងជា៣ទៅ៤ក្រុមអនុវត្តការងារនេះ។
លោក អន ដាវុធ អះអាងថា ទីតាំងដែលបានកែសម្រួលរួចរាល់ក៏ខូចទៅវិញដោយអាកាសធាតុភ្លៀងធ្លាក់ខ្លាំងគ្មានថ្ងៃឈប់ ទោះយ៉ាងណាក្រុមមន្ត្រីជំនាញរបស់លោកនៅតែប្តេជ្ញាចិត្តប្រឹងប្រែងឈូសឆាយកែសម្រួលល្អប្រសើរបន្ថែមក្រោយរាំងភ្លៀងបន្តិច។
កំណាត់ផ្លូវជាតិ៤៨ជួបការខូចខាតមានដូចជា ចំណុចឃុំបឹងព្រាវ ស្រុកស្រែអំបិល ចំណុចឃុំកណ្តោល ស្រុកបូទុមសាគរ ចំណុចចំណោទឃុំតាតៃក្រោម ស្រុកកោះកុង និងចំណោទផ្លូវក្នុងក្រុងខេមរភូមិន្ទ ជាដើម។
មន្ត្រីសាធាណការខេត្តកោះកុង ក៏សុំការយោគយល់ពីអ្នកធ្វើដំណើរលើដងផ្លូវជាតិលេខ៤៨ចំពោះភាពលំបាកនៅពេលនេះ ដូច្នោះគៀសម្រួលផ្លូវគ្រាន់ជាលក្ខណៈបណ្តោះអាសន្នទេ ពោលគឺទម្រាំដំណើរការបើកការដ្ឋានស្ថាបនាថ្មីក្រោមហិរញ្ញប្បទានពីសាធារណរដ្ឋកូរ៉េចូលមកនាខែវិច្ឆិកាខាងមុខ។
គម្រោងសាងសង់ និងលើកកម្រិតគុណភាពផ្លូវជាតិលេខ៤៨នេះ នឹងគ្រោងចំណាយថវិកាសរុបប្រមាណជាង ៧៨ លាន ៣៩៨ពាន់ដុល្លារសហរដ្ឋអាមេរិក។ គម្រោងនេះ នឹងត្រូវអនុវត្តសាងសង់ដោយក្រុមហ៊ុនសាងសង់កូរ៉េ ILSUNG & HANIL Joint Venture និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេស KCI & KECC Joint Venture។
ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ចូន ធ្លាប់លើកឡើងថា តាមរយៈគម្រោងនេះ នឹង ធ្វើឲ្យផ្លូវជាតិលេខ៤៨ ដែលមានប្រវែង ១៤៨ គីឡូម៉ែត្រចាប់ពីចំណុចចំការហ្លួង ស្រុកស្រែអំបិលដល់ក្រុងខេមរភូមិន្ទ ខេត្តកោះកុង មួយខ្សែនេះក្លាយទៅជាផ្នែកមួយនៃផ្លូវហាយវ៉េអាស៊ាន ១២៣ (ASEAN Highway 123) ដែលភ្ជាប់ប្រទេសកម្ពុជា ទៅព្រះរាជាណាចក្រថៃឡង់ដ៏ និងភ្ជាប់ពីភាគខាងកើតនៃឧបទ្វីបឥណ្ឌូចិន ទៅភាគខាងលិចនៃឧបទ្វីប ឥណ្ឌូចិន ត្រង់ក្រុងដាវ៉េ (Dawai) ប្រទេសភូមា៕
អត្តបទ៖ សិរិវឌ្ឍនៈ
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២២ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ