ព័ត៌មានជាតិ
លោក ម៉ៅ ធនិន ប្តេជ្ញាខិតខំបំពេញការងារទ្វេដង ដើម្បីបម្រើប្រជាពលរដ្ឋនៅខេត្តកំពតឲ្យកាន់តែសកម្ម និងខ្លាំងក្លាថែមទៀត
ថ្លែងនៅក្នុងពិធីប្រកាសចូលកាន់មុខតំណែងអភិបាល នៃគណៈអភិបាលខេត្តកំពត នារសៀលថ្ងៃទី១៣ ខែតុលា ឆ្នាំ២០២១ នេះ ក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ម៉ៅ ធនិន បានអះអាងថា លោកនឹងខិតខំបំពេញការងារទ្វេដង ដើម្បីបម្រើប្រជាពលរដ្ឋនៅខេត្តកំពតឲ្យកាន់តែសកម្មថែមទៀត និងអស់ពីកម្លាំងកាយចិត្ត។
លោក ម៉ៅ ធនិន ថ្លែងថា រយៈពេល៤២ឆ្នាំកន្លងមកនេះ ក្រោមការដឹកនាំប្រកបដោយភាពឈ្លាសវៃ និងគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រទេសកម្ពុជាសម្រេចបាននូវសមិទ្ធផលដ៏ធំធេងជាប្រវត្តិសាស្ត្រ នោះគឺរាំងស្កាត់ការប៉ុនប៉ងត្រឡប់មកវិញនូវរបបប្រល័យពូជសាសន៍ ការស្ដារ និងការកសាងប្រទេសឡើងវិញពីចំណុចសូន្យ ឲ្យមានស្ថេរភាពជាជំហានៗ។ ទទួលបានសន្តិភាពពេញលេញ និងបរិបូណ៌ តាមរយៈការដាក់ចេញនូវគោលនយោបាយឈ្នះ ឈ្នះ ការលើកស្ទួយសិទ្ធិ សេរីភាព របស់ប្រជាពលរដ្ឋ រួមទាំងការភិវឌ្ឍន៍សង្គម សេដ្ឋកិច្ច ការតម្កល់ផលប្រយោជន៍ជាតិ និងការគិតគូរអំពីសុខទុក្ខប្រជាជនជាធំ នៅគ្រប់កាលៈទេសៈ ជាពិសេសនៅក្នុងបរិការណ៍ នៃការរីករាលដាលនៃជំងឺកូវីដ១៩។
លោក ម៉ៅ ធនិន បានបញ្ជាក់ទៀតថា មកដល់ពេលបច្ចុប្បន្ននេះ ប្រទេសកម្ពុជាបានប្រែមុខមាត់ថ្មីយ៉ាងស្រស់បំព្រង មានការរីកចម្រើន លើគ្រប់វិស័យ និងមានកិត្យានុភាពលើឆាកអន្តរជាតិ និងជាប្រទេសទាក់ទាញវិនិយោគ ធុរជន និងទេសចរណ៍ នៅលើពិភពលោកឥតឈប់ឈរ ដែលនេះ គឺជាមនុញ្ញផល នៃសន្តិភាព របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ដើម្បីជាសក្ខីភាពឆ្លើយតបទៅ និងទំនុករបស់ប្រមុខរាជរដ្ឋាភិបាល និងថ្នាក់ដឹកនាំក្រសួងមហាផ្ទៃ និងថ្នាក់ដឹកនាំគ្រប់លំដាប់ថ្នាក់ លោក ម៉ៅ ធនិន បានប្តេជ្ញាថា “ខ្ញុំបាទ នឹងខិតខំបំពេញការងារទ្វេដង ដោយស្មារតីយកចិត្តទុកដាក់ និងការទទួលខុសត្រូវខ្ពស់ ព្រមទាំងប្រឹងប្រែងយកអស់កម្លាំងកាយចិត្ត បញ្ញាញាណ និងប្រាជ្ញា និងស្មារតី ដើម្បីបំពេញការងារជូនរាជរដ្ឋាភិបាល និងបម្រើប្រជាពលរដ្ឋនៅខេត្តកំពតឲ្យកាន់តែសកម្ម ខ្លាំងក្លាថែមទៀត”។
មានប្រសាសន៍នៅក្នុងពិធីនោះ សម្ដេចក្រឡាហោម ស ខេង បានស្នើឲ្យថ្នាក់ដឹកនាំ មន្ត្រីរាជការគ្រប់លំដាប់ថ្នាក់ និងប្រជាពលរដ្ឋខេត្តកំពត ផ្ដល់ការគាំទ្រ លោក ម៉ៅ ធនិន សម្រាប់ការបំពេញភារកិច្ចបំរើជាតិ និងប្រជាជន ក្នុងតួនាទីជាអភិបាលនៃគណៈអភិបាលខេត្តកំពត និងបានណែឱ្យថ្នាក់ដឹកនាំខេត្ត និងមន្ត្រីរាជការទាំងអស់ ខិតខំរួមគ្នាជាមួយលោក ម៉ៅ ធនិន ដើម្បីអនុវត្តឱ្យបានជោគជ័យ នូវគោលនយោបាយរបស់រាជរដ្ឋាភិបាលកម្ពុជា រួមទាំងការងារកំណែទម្រង់រដ្ឋបាលថ្នាក់ក្រោមជាតិ ហើយត្រូវរៀនរស់ជាមួយស្ថានភាពកូវីដ-១៩ ដើម្បីធានាប្រក្រតីភាពនៃការផ្ដល់សេវាសាធារណៈជូនប្រជាពលរដ្ឋ ជំរុញការអភិវឌ្ឍសេដ្ឋកិច្ច និងសង្គម។
សម្ដេចក្រឡាហោម ស ខេង ក៏បានផ្ដាំផ្ញើឲ្យរួមគ្នាថែរក្សាការពារសន្តិភាព សន្តិសុខ សណ្ដាប់ធ្នាប់សាធារណៈ ដើម្បីធានាជំរុញការអភិវឌ្ឍសេដ្ឋកិច្ច និងសង្គម ព្រមទាំងខិតខំឱ្យបានកាន់តែសកម្មថែមទៀតនូវកិច្ចការជួយសង្គ្រោះប្រជាពលរដ្ឋជួបការលំបាក ទាំងនៅក្នុងស្ថានភាពនៃការរីករាលដាលជំងឺកូវីដ-១៩ និងរងគ្រោះដោយមហន្តរាយធម្មជាតិផ្សេងៗ៕
ដោយ ៖ កោះកែវ
យោធាមីយ៉ាន់ម៉ាវាយប្រហារលើមន្ទីពេទ្យនិងភូមិសម្លាប់មនុស្ស២០នាក់
IMF៖ កំណើនសេដ្ឋកិច្ចកម្ពុជាសម្រេចបានក្នុងអត្រា៥,៥ ភាគរយក្នុង ២០២៤ និងកើនដល់ ៥,៨ ភាគរយនៅឆ្នាំ២០២៥
ត្រាំ ថា Microsoft កំពុងចរចាទិញ TikTok
ប្រទេស២ជាសមាជិកណាតូនៅបាល់ទិក សន្យាបង្កើនការចំណាយដល់៥% ដូចត្រាំចង់បាន
តារាចម្រៀងល្បីឈ្មោះ ៣ដួង សោកស្តាយនូវការបាត់បង់បុគ្គលិកឆ្នើមម្នាក់របស់ផលិតកម្មហង្សមាស
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អ្នកគាំទ្រតារាចម្រៀងរ៉េប G-Devith និង វណ្ណដា ផ្ទុះការផ្លែផ្កាឌឺដងដាក់គ្នាព្រោះតែរឿងនេះ
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
លោក ហ្សេលេនស្គី បញ្ចេញប្រតិកម្មជុំវិញរឿងដែលអាមេរិកផ្អាកជំនួយរយៈពេល៩០ថ្ងៃ
សម្ព័ន្ធមិត្តចាក់ទឹកមិនលិចរបស់រុស្ស៊ី នឹងទទួលបានមីស៊ីលល្បឿនលឿនជាងសំឡេងស៊េរីទំនើប ឆាប់ៗ
-
ចរាចរណ៍៣ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
សន្តិសុខសង្គម១ សប្តាហ៍ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ៣ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ១ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ១ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៥ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៣ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក
-
សន្តិសុខសង្គម២ ថ្ងៃ agoអគ្គិភ័យឆេះផ្ទះស្តុកគ្រឿងបន្លាស់រថយន្តបណ្ដាលឲ្យខូចខាតសម្ភារៈមួយចំនួន